ನವದೆಹಲಿ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ತನ್ನೆಲ್ಲ ಉಳಿತಾಯ ಖಾತೆಯ ಬಡ್ಡಿ ದರಗಳನ್ನು ಶೇ 3ಕ್ಕೆ ಹಚ್ಚಿಸಿದ್ದು, ಉಳಿತಾಯ ಖಾತೆಯಲ್ಲಿ ಪ್ರತಿ ತಿಂಗಳೂ ನಿರ್ವಹಿಸಬೇಕಾಗಿದ್ದ ಸರಾಸರಿ ಕನಿಷ್ಠ ಮೊತ್ತದ ನಿಯಮ ಕೂಡ ರದ್ದುಪಡಿಸಿದೆ. ಇನ್ನು ಎಸ್ಎಂಎಸ್ಗಳಿಗೆ ವಿಧಿಸುತ್ತಿದ್ದ ಶುಲ್ಕವನ್ನು ಸಹ ಬ್ಯಾಂಕ್ ಕೈಬಿಡುವ ಮೂಲಕ ಸಿಹಿ ಸುದ್ದಿ ನೀಡಿದೆ.
ಉಳಿತಾಯ ಖಾತೆಯಲ್ಲಿನ ಎಲ್ಲ ಬಗೆಯ ಮೊತ್ತಕ್ಕೆ ಏಕರೂಪದ ಬಡ್ಡಿ ದರ ನಿಗದಿಪಡಿಸಲಾಗಿದೆ. ಇದುವರೆಗೆ ಇದ್ದ 1 ಲಕ್ಷವರೆಗಿನ ಮೊತ್ತಕ್ಕೆ ಶೇ 3.25 ಮತ್ತು 1 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ಶೇ. 3ರಷ್ಟು ಬಡ್ಡಿ ದರ ಜಾರಿಯಲ್ಲಿತ್ತು. ಈ ನಿರ್ಧಾರ ಬ್ಯಾಂಕ್ನ 44.51 ಕೋಟಿ ಗ್ರಾಹಕರ ಅನುಕೂಲವಾಗಲಿದೆ.
ಸದ್ಯಕ್ಕೆ ಉಳಿತಾಯ ಖಾತೆ ಹೊಂದಿದ ಗ್ರಾಹಕರು ನಗರ, ಅರೆ ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಕ್ರಮವಾಗಿ 3,000, 2,000 ಮತ್ತು 1,000 ರೂಪಾಯಿ ಕಾಯ್ದುಕೊಳ್ಳಬೇಕಿತ್ತು. ಇರದಿದ್ದರೆ 5 ರಿಂದ 15 ರೂಪಾಯಿ ವರೆಗೆ ದಂಡ ವಿಧಿಸಲಾಗುತ್ತಿತ್ತು.
