ನವದೆಹಲಿ: ಅಮೆರಿಕ-ಇರಾನ್ ನಡುವಿನ ಯುದ್ಧ ಕೊನೆಗೊಂಡ ಹಿನ್ನೆಲೆ ತೈಲ ಕಂಪನಿಗಳು ಇಂದಿನಿಂದ (ಜುಲೈ 1) ವಾಣಿಜ್ಯ ಬಳಕೆ 19 ಕೆಜಿ ಎಲ್ಪಿಜಿ ಸಿಲಿಂಡರ್ ಬೆಲೆಯನ್ನು 183.50 ರೂ.ಗಳಷ್ಟು ಇಳಿಕೆ ಮಾಡಿವೆ. ಆದರೆ, ಗೃಹಬಳಕೆಯ 14 ಕೆಜಿ ಸಿಲಿಂಡರ್ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ. ಈ ವರ್ಷದಲ್ಲಿ ಇದೇ ಮೊದಲ ಬಾರಿಗೆ ವಾಣಿಜ್ಯ ಸಿಲಿಂಡರ್ಗಳ ಬೆಲೆ ಕಡಿಮೆಯಾಗಿದೆ.
ತಿಂಗಳ ಮೊದಲ ದಿನ ತೈಲ ಕಂಪನಿಗಳು ತೈಲ ಕಂಪನಿಗಳು ದರ ಪರಿಷ್ಕರಣೆ ಮಾಡುತ್ತವೆ. ಮಧ್ಯಪ್ರಾಚ್ಯದಲ್ಲಿನ ಯುದ್ಧದ ಪರಿಣಾಮದಿಂದ ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ಎಲ್ಪಿಜಿ ಸೇರಿದಂತೆ ಬಹುತೇಕ ವಸ್ತುಗಳ ಬೆಲೆ ಏರಿಕೆಯಾಗಿತ್ತು. ಇದೀಗ ಯುದ್ಧದ ಕೊನೆಗೊಂಡ ಹಿನ್ನೆಲೆ ದರಗಳು ಇಳಿಮುಖವಾಗಿವೆ.
ಬೆಲೆ ಇಳಿಕೆಯ ನಂತರ ವಾಣಿಜ್ಯ ಸಿಲಿಂಡರ್ಗಳು ಗ್ರಾಹಕರಿಗೆ ಬೆಂಗಳೂರಲ್ಲಿ 19 ಕೆ.ಜಿ ಸಿಲಿಂಡರ್ ಬೆಲೆ 3,021ರಷ್ಟಿದ್ದರೆ, ದೆಹಲಿಯಲ್ಲಿ 2,930ಕ್ಕೆ ಇಳಿದಿದೆ. ಕೋಲ್ಕತ್ತದಲ್ಲಿ ₹3,081ರಷ್ಟಿದೆ.
ಇನ್ನೂ ಗೃಹ ಬಳಕೆಯ 14 ಕೆ.ಜಿ. ಸಿಲಿಂಡರ್ ದರದಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಈ ಸಿಲಿಂಡರ್ ಬೆಲೆ ಬೆಂಗಳೂರಲ್ಲಿ 944, ದೆಹಲಿಯಲ್ಲಿ 942, ಕೋಲ್ಕತ್ತದಲ್ಲಿ 968, ಮುಂಬೈಯಲ್ಲಿ 941 ಮತ್ತು ಚೆನ್ನೈಯಲ್ಲಿ 957 ಆಗಿದೆ.
ಇನ್ನು ಮೇ ತಿಂಗಳಲ್ಲಿ ಒಂದೇ ಬಾರಿಗೆ ವಾಣಿಜ್ಯ ಸಿಪಿಂಡರ್ ಬೆಲೆ 993 ರೂ. ಗಳಷ್ಟು ಏರಿಕೆ ಮಾಡಿದ್ದರಿಂದ ಸಿಲಿಂಡರ್ ಬೆಲೆ 3 ಸಾವಿರದ ಗಡಿಯನ್ನು ದಾಟಿತ್ತು. ಇದರಿಂದ ಹೋಟೆಲ್ಗಳು ಆಹಾರದ ಬೆಲೆಯನ್ನು ಹೆಚ್ಚಳ ಮಾಡಿಕೊಂಡಿದ್ದವು. ಜೂನ್ 1ರಂದು ಸಹ 42 ರೂಪಾಯಿ ಹೆಚ್ಚಳವಾಗಿತ್ತು.
