ದಾವಣಗೆರೆ: 50 ಗ್ರಾಂ ಚಿನ್ನದ ಆಭರಣವಿದ್ದ ಪರ್ಸ್ ಅನ್ನು ಮಹಿಳೆಯೊಬ್ಬರು ಬೈಕ್ ನಲ್ಲಿ ಹೋಗುವಾಗ ರಸ್ತೆಯಲ್ಲಿ ಬೀಳಿಸಿಕೊಂಡು ಹೋಗಿದ್ದರು. ಇದನ್ನು ಪತ್ತೆ ಹಚ್ಚಿದ ಬಸವನಗರ ಪೊಲೀಸರು ವಾರಸುದಾರರಿಗೆ ಪರ್ಸ್ ಮರಳಿ ಒಪ್ಪಿಸಿದ್ದಾರೆ.
ದಾವಣಗೆರೆ: ನಿಯಮ ಉಲ್ಲಂಘನೆ; ಮಹಾನಗರ ಪಾಲಿಕೆಯಿಂದ 92 ಸಾವಿರ ದಂಡ
ಜಾಲಿನಗರದಿಂದ ಹೊಂಡದ ಸರ್ಕಲ್ ಮುಖಾಂತರ ರೈಲ್ವೇ ನಿಲ್ದಾಣದ ಕಡೆಗೆ ಬೈಕ್ನಲ್ಲಿ ಹೋಗುವಾಗ ಮಹಿಳೆಯೊಬ್ಬರು ಪರ್ಸ್ ಕಳೆದುಕೊಂಡಿದ್ದರು. ಈ ಬಗ್ಗೆ ಬಸವನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಕೂಡಲೇ ಕಾರ್ಯಪ್ರವೃತ್ತರಾದ ಅಪರಾಧ ವಿಭಾಗದ ಸಿಬ್ಬಂದಿ ಫಕೃದ್ದೀನ್ ಅಲಿ ಹಾಗೂ ಸುರೇಶ ಟಿ ವಿವಿಧ ಸಿಸಿ ಕ್ಯಾಮೆರಾಗಳನ್ನು ಪರಿಶೀಲಿಸಿ, ಶಿವಾಜಿ ಸರ್ಕಲ್ ಮೂಲೆ ಬಳಿ ಪರ್ಸ್ ಬಿದ್ದಿರುವುದನ್ನು ಖಚಿತಪಡಿಸಿಕೊಂಡರು. ಸ್ಥಳೀಯವಾಗಿ ವಿಚಾರಿಸಿದಾಗ ಬೀಡಾ ಅಂಗಡಿಯ ಮಾಲೀಕರೊಬ್ಬರು ಪರ್ಸ್ ಸುರಕ್ಷಿತವಾಗಿ ಎತ್ತಿಟ್ಟಿರುವುದು ಪತ್ತೆಯಾಯಿತು. ಬಳಿಕ ಬಸವನಗರ ಠಾಣೆ ಪಿಐ ನಂಜುಂಡಸ್ವಾಮಿ ಚಿನ್ನದ ಆಭರಣಗಳಿದ್ದ ಪರ್ಸ್ ಅನ್ನು ವಾರಸುದಾರರಿಗೆ ಹಸ್ತಾಂತರಿಸಿದರು.
ದಾವಣಗೆರೆ: ನಗರದ ಈ ಪ್ರದೇಶದಲ್ಲಿ ಸಂಜೆವರೆಗೆ ವಿದ್ಯುತ್ ವ್ಯತ್ಯಯ
