ಡಿವಿಜಿ ಸುದ್ದಿ, ಬೆಂಗಳೂರು: ಡೆಡ್ಲಿ ಕೊರೊನಾ ವೈರಸ್ನಿಂದಾಗಿ ರಾಜ್ಯದಲ್ಲಿ ಹೇರಲಾಗಿದ್ದ ಲಾಕ್ಡೌನ್ ನಿಯಮವನ್ನು ಇಂದು ಮಧ್ಯರಾತ್ರಿಯಿಂದಲೇ ಸೇಫ್ ಝೋನ್ನಲ್ಲಿ ಸಡಿಲಗೊಳ್ಳಲಿದೆ. ಆದರೆ, ರೆಡ್ ಝೋನ್, ಹಾಟ್ ಸ್ಪಾಟ್, ಕಟೈಂನ್ ಮೆಂಟ್ ವಲಯದಲ್ಲಿ ಈ ನಿಯಮ ಅನ್ವಯವಾಗುವುದಿಲ್ಲ ಎಂದು ಸರ್ಕಾರ ಆದೇಶ ಹೊರಡಿಸಿದೆ.
ಈ ಮೂಲಕ ಕಟ್ಟಡ ನಿರ್ಮಾಣ, ಅಗತ್ಯ ವಸ್ತುಗಳ ಕೈಗಾರಿಕೆ, ಕೆಲ ಸರ್ಕಾರಿ ಕಚೇರಿಗಳು ತೆರೆಯಲಿವೆ. ಆದರೆ ಸಾಮಾಜಿಕ ಅಂತರ ಹಾಗೂ ಮಾಸ್ಕ್ ಕಡ್ಡಾಯವಾಗಿದ್ದು, ಸಾರ್ವಜನಿಕ ಸ್ಥಳದಲ್ಲಿ 5ಕ್ಕಿಂತ ಹೆಚ್ಚು ಜನ ಸೇರುವಂತಿಲ್ಲ ಎಂದು ಸೂಚಿಸಿದೆ.
ಏನಿರುತ್ತೆ?:
- ಕೃಷಿ, ತೋಟಗಾರಿಕೆ, ಹೈನುಗಾರಿಕೆ, ಮೀನುಗಾರಿಕೆಗೆ ಅವಕಾಶ
- ಅಗತ್ಯ ಸರ್ಕಾರಿ ಇಲಾಖೆ
- ಕಟ್ಟಡ ನಿರ್ಮಾಣ,ರಸ್ತೆ ಕಾಮಗಾರಿಗೆ ಸಿಮೆಂಟ್, ಜೆಲ್ಲಿ, ಗೂಡ್ಸ್ ಸಂಚಾರ
- ಸ್ವ ಉದ್ಯೋಗ ,ಎಲೆಕ್ಟ್ರೀಷಿಯನ್ಸ್, ಐಟಿ ರಿಪೇರಿ, ಪ್ಲಂಬರ್, ಮೋಟಾರ್ ಮೆಕಾನಿಕ್ಸ್, ಕಾರ್ಪೆಂಟರ್ಸ್
- ಗೂಡ್ಸ್ ರೈಲುಗಳ ಮೂಲಕ ಅಗತ್ಯ ವಸ್ತು ಸಾಗಾಟ, ತುರ್ತು ಅಗತ್ಯ ಸೇವೆ
- ಕಾರಿನಲ್ಲಿ ಕೇವಲ ಇಬ್ಬರಿಗೆ ಅವಕಾಶ
- ಆನ್ಲೈನ್ನಲ್ಲಿ ಸೇವೆ
ಏನಿಲ್ಲ?:
- ಮೆಟ್ರೋ, ರೈಲು, ಬೈಕ್ ಸಂಚಾರ
- ಐಟಿ-ಬಿಟಿ ಕಂಪನಿ
- ಬಿಎಂಟಿಸಿ, ಕೆಎಸ್ಆರ್ ಟಿಸಿ ಬಸ್ ಸಂಚಾರ ಮೇ.3 ವರೆಗೆ ಇರಲ್ಲ
- ಅಂತರ ಜಿಲ್ಲೆ ಸಂಚಾರ ಇರುವುದಿಲ್ಲ
ಮೇ. 3 ವರೆಗೆ ಮದ್ಯ ಸಿಗಲ್ಲ
ಇನ್ನು ಮದ್ಯ ಪ್ರಿಯರಿಗೆ ರಾಜ್ಯ ಸರ್ಕಾರ ಶಾಕ್ ನೀಡಿದ್ದು, ಮೇ 3ರವರೆಗೂ ಮದ್ಯ ಮಾರಾಟ ಇರುವುದಿಲ್ಲ. ಹೋಟೆಲ್, ರೆಸ್ಟೋರೆಂಟ್ಗಳನ್ನು ತೆರೆಯುವಂತಿಲ್ಲ. ಯಾವುದೇ ಸಭೆ, ಕಾರ್ಯಕ್ರಮ ನಡೆಸುವಂತಿಲ್ಲ.
