IPL 2021:  ದಾಖಲೆ ಬೆಲೆಗೆ  ಬಿಡ್ ಆದ ಕ್ರಿಸ್ ಮೋರಿಸ್  

ಚೆನ್ನೈ: ಇಂದು ನಡೆದ ಐಪಿಎಲ್​ 2021ರ ಹರಾಜು ಪ್ರಕ್ರಿಯೆ ಹೊಸದೊಂದು ದಾಖಲೆ ನಿರ್ಮಾಣವಾಗಿದ್ದು, 16 ಕೋಟಿ ರೂಪಾಯಿಗೆ ಬಿಡ್​ ಆಗಿದ್ದ ಯುವರಾಜ್​ ಸಿಂಗ್​ ದಾಖಲೆಯನ್ನು ದಕ್ಷಿಣ ಆಫ್ರಿಕಾ ಆಟಗಾರ ಕ್ರಿಸ್​ ಮೋರಿಸ್​ ಮುರಿದಿದ್ದಾರೆ.

ರಾಜಸ್ಥಾನ್​ ರಾಯಲ್ಸ್​ ತಂಡವು ಕ್ರಿಸ್​ ಮೋರಿಸ್​ಗೆ ಬಿಡ್ಡಿಂಗ್​ ಮಾಡಿದ್ದು, 16.25 ಕೋಟಿ ರೂಪಾಯಿಗೆ ಮೋರಿಸ್​ನನ್ನು ತಮ್ಮದಾಗಿಸಿಕೊಂಡಿದೆ.  2020ರಲ್ಲಿ ಆರ್​ಸಿಬಿ ಪರ ಆಡಿದ್ದ  ಮೋರಿಸ್​ ಈ ವರ್ಷ ಆರ್​ಆರ್​ ತಂಡದ ಪರ ಕಣಕ್ಕೆ ಇಳಿಯಲಿದ್ದಾರೆ. 2015ರಲ್ಲಿ  ಯುವರಾಜ್​ ಸಿಂಗ್​ರನ್ನು ದೆಹಲಿ ತಂಡವು 16 ಕೋಟಿ ರೂಪಾಯಿಗೆ ಖರೀದಿಸಿದ್ದು, ಈವರೆಗಿನ ದಾಖಲೆಯಾಗಿತ್ತು. ಇದೀಗ ಕ್ರಿಸ್​ ಮೋರಿಸ್​ 16.25 ಕೋಟಿ ರೂಪಾಯಿಯೊಂದಿಗೆ ಅಗ್ರ ಸ್ಥಾನಕ್ಕೇರಿದ್ದಾರೆ.