ದಾವಣಗೆರೆ: ಸರ್ಕಾರ ಖರೀದಿಸಿರುವ ಜಮೀನಿಗೆ ಆಕ್ಷೇಪಣೆ ಸಲ್ಲಿಸಲು 7 ದಿನಗಳ ಅವಕಾಶ

ದಾವಣಗೆರೆ: ಕರ್ನಾಟಕ ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ದಿ ನಿಗಮದ ವತಿಯಿಂದ ಭೂ ಒಡೆತನ ಯೋಜನೆಯಡಿ ಜಮೀನುಗಳನ್ನು ಖರೀದಿಸಲು ಪ್ರಸ್ತಾವನೆ ಸ್ವೀಕರಿಸಲಾಗಿದ್ದು, ಜಮೀನಿಗೆ ಸಂಬಂಧಿಸಿದ ಆಕ್ಷೇಪಣೆಗಳಿದ್ದಲ್ಲಿ 7 ದಿನಗಳ ಒಳಗಾಗಿ ನಿಗಮದ ಜಿಲ್ಲಾ ವ್ಯವಸ್ಥಾಪಕರಿಗೆ ಆಕ್ಷೇಪಣೆ ಸಲ್ಲಿಸಬಹುದು.

ಜಗಳೂರು ತಾಲ್ಲೂಕಿನ ಗೌಡಗೊಂಡನಹಳ್ಳಿ ವಾಸಿ ವಿರೂಪಾಕ್ಷಯ್ಯ ಬಿನ್ ಬಸಯ್ಯ ಇವರ ಜಮೀನು ಗೌಡಗೊಂಡನಹಳ್ಳಿ ಸರ್ವೆ ನಂ. 60/8 ರಲ್ಲಿ 2.00 ಎಕರೆ. ಜಿಟ್ಟಿನಕೆರೆ ವಾಸಿ ಸುಮಂಗಲ ತಂದೆ ನಾಗರಾಜಯ್ಯ ಹೆಚ್.ಎಂ ಇವರ ಜಮೀನು ಗೌಡಗೊಂಡನಹಳ್ಳಿ ಸರ್ವೆ ನಂ.9/1 ರಲ್ಲಿ 2.00 ಎಕರೆ. ಹೊನ್ನಾಳಿ ತಾಲ್ಲೂಕು ಬೆನಕನಹಳ್ಳಿ ವಾಸಿ ಹಾಲಪ್ಪ ಬಿನ್ ವೀರಭದ್ರಪ್ಪ ಇವರ ಜಮೀನು ಗಡೇಕಟ್ಟೆಯ ಸರ್ವೆ ನಂ.33/3 ರಲ್ಲಿ 4.00 ಎಕರೆ. ದಾವಣಗೆರೆ ತಾಲ್ಲೂಕು ಗುಡಾಳು ಗ್ರಾಮದ ವಾಸಿ ಸಿ. ರುದ್ರೇಶ್ ಬಿನ್ ಚನ್ನಪ್ಪ ಇವರ ಜಮೀನು ಗುಡಾಳು ಸರ್ವೆ ನಂ. 217/2 ರಲ್ಲಿ 2.00 ಎಕರೆ. ಸುಮ ಕೋಂ ಭರಮಪ್ಪ ಎಸ್.ವಿ. ಬಡಾವಣೆ ದಾವಣಗೆರೆ ವಾಸಿ ಇವರ ಜಮೀನು ದಾವಣಗೆರೆ ತಾಲ್ಲೂಕಿನ ಕಂದನಕೋವಿ ಗ್ರಾಮದ ಸರ್ವೆ ನ.39/1 ರಲ್ಲಿ, 1.00 ಎಕರೆ 29 ಗುಂಟೆ ಜಮೀನನ್ನು ಖರೀದಿಸಲು ಪ್ರಸ್ತಾವನೆ ಸ್ವೀಕರಿಸಲಾಗಿದೆ.

ಮೇಲ್ಕಂಡ ಜಮೀನುಗಳಿಗೆ ಸಂಬಂಧಿಸಿದಂತೆ ಏನಾದರೂ ಆಕ್ಷೇಪಣೆಗಳಿದ್ದಲ್ಲಿ 7 ದಿನಗಳ ಒಳಗೆ ನಿಗಮದ ಜಿಲ್ಲಾ ವ್ಯವಸ್ಥಾಪಕರಿಗೆ ಸಲ್ಲಿಸಬಹುದಾಗಿದೆ. ಹೆಚ್ಚಿನ ಮಾಹಿತಿಗಾಗಿ ನಿಗಮದ ಜಿಲ್ಲಾ ವ್ಯವಸ್ಥಾಪಕರನ್ನು ಖುದ್ದಾಗಿ ಅಥವಾ ದೂರವಾಣಿ ಸಂಖ್ಯೆ: 08192-233309ಗೆ ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.