ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ಫಲಿತಾಂಶ ಬಂದು ತಿಂಗಳು ಕಳೆದರೂ, ಜೋ ಬೈಡೆನ್ ಗೆಲು ಸಾಧಿಸಿದ್ದರೂ, ಡೊನಾಲ್ಡ್ ಟ್ರಂಪ್ ಸೋಲು ಒಪ್ಪಿಕೊಂಡಿರಲಿಲ್ಲ. ಇನ್ನು ಅವರ ಅಧಿಕಾರಾವಧಿ ತಿಂಗಳು ಮಾತ್ರವಿದ್ದು, ನಂತರವೂ ತಾವೇ ಅಧ್ಯಕ್ಷರು ಎಂದು ಹೇಳುತ್ತಿದ್ದರು.
ಈ ಬಗ್ಗೆ ಟ್ರಂಪ್ ಕೋರ್ಟ್ ಮೆಟ್ಟಿಲೇರಿದ್ದರು. ತಮಗೆ ಸಂದೇಹವಿದ್ದ ಅನೇಕ ಕಡೆಗಳಲ್ಲಿ ಮರು ಎಣಿಕೆಯನ್ನು ಮಾಡಿಸಿದ್ದರು. ಇವೆಲ್ಲವೂ ಮುಗಿದ ಮೇಲೆ ಇದೀಗ ಅಮೆರಿಕದ ಚುನಾವಣಾ ಆಯೋಗ (ಎಲೆಕ್ಟೊರಲ್ ಕಾಲೇಜ್) ವಿಜೇತರನ್ನು ಘೋಷಣೆ ಮಾಡಿದೆ. ಅದರ ಪ್ರಕಾರ ಜೋ ಬೈಡೆನ್ ಅವರೇ ಗೆಲುವು ಸಾಧಿಸಿರುವುದು ಎಂದು ಖಚಿತಪಡಿಸಿದೆ.
ಈ ಮೂಲಕ ಅಮೆರಿಕ ಅಧ್ಯಕ್ಷ ಹುದ್ದೆಯನ್ನು ಜೋ ಬೈಡೆನ್ ಅಲಂಕರಿಸಲಿರುವುದು ಕೊನೆಗೂ ನಿಶ್ವಿತವಾಗಿದೆ. 538 ಸದಸ್ಯರ ಎಲೆಕ್ಟೊರಲ್ ಕಾಲೇಜ್, ಬೈಡೆನ್ ತಮ್ಮ ಗೆಲುವಿಗೆ ಬೇಕಾದ 270 ಸ್ಥಾನಗಳಿಗೂ ಹೆಚ್ಚು ಮತಗಳನ್ನು ಪಡೆದು ಶ್ವೇತಭವನ ಪ್ರವೇಶದ ಅಂತಿಮ ಹಂತಕ್ಕೆ ತಲುಪಿದ್ದಾರೆ ಎಂದು ತಿಳಿಸಿದೆ. ಬೈಡೆನ್-ಹ್ಯಾರಿಸ್ 306 ಎಲೆಕ್ಟೊರಲ್ ಮತಗಳನ್ನು ಪಡೆದಿದ್ದಾರೆ.
ನವಂಬರ್ 3ರಂದು ನಡೆದ ಚುನಾವಣೆಯಲ್ಲಿ 81 ದಶಲಕ್ಷದಷ್ಟು ದಾಖಲೆ ಸಂಖ್ಯೆಯ ಮತಗಳನ್ನು ಪಡೆದಿದ್ದಾರೆ ಜೋ ಬೈಡನ್- ಕಮಲಾ ಹ್ಯಾರಿಸ ಪಡೆದಿದ್ದಾರೆ. ಇದು ಅಮೆರಿಕದ ಇತಿಹಾಸದಲ್ಲೇ ಹೊಸ ದಾಖಲೆಯಾಗಿದೆ.ಈ ನಡುವೆಯೇ ಟ್ರಂಪ್ಗೆ ತಿರುಗೇಟು ನೀಡಿರುವ ಬೈಡೆನ್, ಅಮೆರಿಕದ ಹೊಸ ಅಧ್ಯಾಯ ತೆರೆಯಲು ಸಕಾಲವಿದು. ನನ್ನ ಗೆಲುವಿನ ಬಗ್ಗೆ ಯಾರಿಗಾದರೂ ಅನುಮಾನವಿದ್ದರೆ, ಅವರು ತಮ್ಮ ಸಂಶಯಗಳನ್ನು ಈಗ ಬಗೆಹರಿಸಿಕೊಂಡಿರಬಹುದು ಎಂದಿದ್ದಾರೆ.
