ಕ್ರಿಕೆಟ್: ಭಾರತೀಯ ಮೂಲದ ಅಜಾಜ್​​ ಪಟೇಲ್​ ವಿಶ್ವ ದಾಖಲೆ; ಒಂದೇ ಇನ್ನಿಂಗ್ಸ್ ನಲ್ಲಿ 10 ವಿಕೆಟ್ ಪಡೆದ ವಿಶ್ವ ಮೂರನೇ ಬೌಲರ್ ..!

ಮುಂಬೈ: ಭಾರತೀಯ ಮೂಲದ ನ್ಯೂಜಿಲೆಂಡ್​ ತಂಡದ ಬೌಲರ್​ ಅಜಾಜ್​​ ಪಟೇಲ್​ , ಭಾರತದ ವಿರುದ್ಧ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೊಸ ಇತಿಹಾಸ ಬರೆದಿದ್ದಾರೆ. ಒಂದೇ ಇನ್ನಿಂಗ್ಸ್​ನಲ್ಲಿ 10 ವಿಕೆಟ್​ ಪಡೆಯುವ ಮೂಲಕ ವಿಶ್ವದ ಮೂರನೇ ಆಟಗಾರನೆಂಬ ಕೀರ್ತಿಗೆ ಭಾಜನರಾಗಿದ್ದಾರೆ.

ಜಿಮ್​ ಲೇಕರ್​ ಮತ್ತು ಅನಿಲ್​ ಕುಂಬ್ಳೆ ದಾಖಲೆ ಬಳಿಕ ವಿಶ್ವದ ಮೂರನೇ ಆಟಗಾರನಾಗಿ ಅಜಾಜ್​ ಪಟೇಲ್​ ತಮ್ಮ ಹೆಸರನ್ನು ಇತಿಹಾಸದ ಪುಟಕ್ಕೆ ಸೇರಿಸಿಕೊಂಡಿದ್ದಾರೆ. ಇಂದು ನಡೆದ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಟೀಮ್​ ಇಂಡಿಯಾ 109.5 ಓವರ್​ಗಳಲ್ಲಿ 325 ರನ್​ಗಳಿಗೆ ಆಲೌಟ್​ ಆಗಿದೆ. ನ್ಯೂಜಿಲೆಂಡ್​ ಪರ ಕರಾರುವಾಕ್ ದಾಳಿ ನಡೆಸಿದ ಅಜಾಜ್​ ಪಟೇಲ್​, ಟೀಮ್​ ಇಂಡಿಯಾದ 10 ವಿಕೆಟ್​ಗಳನ್ನು ಉರುಳಿಸಿ ವಿಶ್ವದಾಖಲೆ ಬರೆದರು.

47.5 ಓವರ್​ ಎಸೆದ ಅಜಾಜ್​ ಪಟೇಲ್​ 119 ರನ್​ ನೀಡಿ 10 ವಿಕೆಟ್​ ಪಡೆದಿದ್ದಾರೆ. ಭಾರತ ಮಧ್ಯಾಹ್ನದ ಹೊತ್ತಿಗೆ ತನ್ನೆಲ್ಲ ವಿಕೆಟ್​ಗಳನ್ನು ಕಳೆದುಕೊಂಡು 109.5 ಓವರ್​ಗಳಲ್ಲಿ 325 ರನ್​ ಕಲೆಹಾಕಿತು.