ದಾವಣಗೆರೆ: ವಿವಿಧ ಮಾರ್ಗಗಳಲ್ಲಿ ಸಂಚರಿಸುವ ಕೆಲವು ಪ್ರಮುಖ ಎಕ್ಸ್ಪ್ರೆಸ್ ರೈಲುಗಳ ಸಂಖ್ಯೆಯನ್ನು ಮರುನಾಮಕರಣ ಮಾಡಲು ರೈಲ್ವೆ ಮಂಡಳಿಯು ಅನುಮೋದನೆ ನೀಡಿದೆ. ಈ ಹೊಸ ಬದಲಾವಣೆಗಳು ಮುಂದಿನ ಫೆಬ್ರವರಿ ತಿಂಗಳಿನಿಂದ ಜಾರಿಗೆ ಬರಲಿದೆ.
ಬೆಳಗಾವಿ–ಮೈಸೂರು ನಡುವೆ ಸಂಚರಿಸುವ ವಿಶ್ವಮಾನವ ದೈನಂದಿನ ಎಕ್ಸ್ಪ್ರೆಸ್ (17325) ರೈಲು ಫೆಬ್ರವರಿ 20 ರಿಂದ ಹೊಸ ಸಂಖ್ಯೆ 20675 ರೊಂದಿಗೆ ಸಂಚರಿಸಲಿದೆ. ಹಾಗೆಯೇ ಮೈಸೂರು–ಬೆಳಗಾವಿ (17326) ರೈಲು ಫೆಬ್ರವರಿ 19 ರಿಂದ ಹೊಸ ಸಂಖ್ಯೆ 20676 ರಲ್ಲಿ ಕಾರ್ಯಾಚರಣೆ ನಡೆಸಲಿದೆ.
ದಾವಣಗೆರೆ: ಬೇಸಿಗೆ ಹಂಗಾಮಿನ ಭತ್ತದ ಸಸಿ, ತೋಟಗಾರಿಕಾ ಬೆಳೆಗಳಿಗೆ ತುರ್ತು ನೀರಿಸುವಂತೆ ಆಗ್ರಹ
ಗಾಂಧಿಧಾಮ-ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್ (16505) ರೈಲು ಫೆಬ್ರವರಿ 24 ರಿಂದ ಜಾರಿಗೆ ಬರುವಂತೆ 20685 ಸಂಖ್ಯೆಯಡಿ ಚಲಿಸಲಿದೆ. ಕೆಎಸ್ಆರ್ ಬೆಂಗಳೂರು-ಗಾಂಧಿಧಾಮ (16506) ರೈಲು ಫೆಬ್ರವರಿ 21 ರಿಂದ 20686 ಸಂಖ್ಯೆಯನ್ನು ಹೊಂದಿರಲಿದೆ.
ಯಶವಂತಪುರ-ಶಿವಮೊಗ್ಗ ಟೌನ್ ದೈನಂದಿನ ಇಂಟರ್ಸಿಟಿ ಎಕ್ಸ್ಪ್ರೆಸ್ (16579) ಫೆಬ್ರವರಿ 19 ರಿಂದ ಹೊಸ ಸಂಖ್ಯೆ 20689 ರೊಂದಿಗೆ ಹಾಗೂ ಶಿವಮೊಗ್ಗ ಟೌನ್-ಯಶವಂತಪುರ (16580) ರೈಲು ಫೆಬ್ರವರಿ 20 ರಿಂದ ಹೊಸ ಸಂಖ್ಯೆ 20690 ರೊಂದಿಗೆ ಸಂಚರಿಸಲಿವೆ.
ಜೋಧ್ಪುರ-ಕೆಎಸ್ಆರ್ ಬೆಂಗಳೂರು (16507) ರೈಲು ಫೆಬ್ರವರಿ 26 ರಿಂದ 20693 ಸಂಖ್ಯೆಯೊಂದಿಗೆ ಮತ್ತು ಕೆಎಸ್ಆರ್ ಬೆಂಗಳೂರು-ಜೋಧ್ಪುರ (16508) ರೈಲು ಫೆಬ್ರವರಿ 23 ರಿಂದ ಜಾರಿಗೆ ಬರುವಂತೆ 20694 ಹೊಸ ಸಂಖ್ಯೆಯೊಂದಿಗೆ ಸಂಚರಿಸಲಿದೆ.
