ದಾವಣಗೆರೆ GMIT: ಸಿಇಟಿ ಮಾದರಿಯಲ್ಲಿ ಜೂ. 05 ರಂದು ಜಿಎಂ-ಸಿಇಟಿ ಪರೀಕ್ಷೆ

ದಾವಣಗೆರೆ: ಜಿಎಂ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಈ ಶೈಕ್ಷಣಿಕ ವರ್ಷದಿಂದ ಸಿಇಟಿ ಮಾದರಿಯಲ್ಲಿ ಜಿಎಂ-ಸಿಇಟಿ ಪ್ರವೇಶ ಪರೀಕ್ಷೆಯನ್ನು ನಡೆಸಲು ತೀರ್ಮಾನಿಸಿದೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕಾಲೇಜಿನ ಪ್ರಾಂಶುಪಾಲ ಡಾ.ವೈ.ವಿಜಯಕುಮಾರ್, ಜೂ. 5ರಂದು  ನಡೆಯುವ ಜಿಎಂ-ಸಿಇಟಿ ಪ್ರವೇಶ ಪರೀಕ್ಷೆಗೆ ನೊಂದಣಿಯು ಪ್ರಾರಂಭವಾಗಿದ್ದು, ಪಿಯು ಸೈನ್ಸ್ ವಿದ್ಯಾರ್ಥಿಗಳು ತಮ್ಮ ಹೆಸರು ನೋಂದಾಯಿಸಿಕೊಳ್ಳಬಹುದಾಗಿದೆ.

ಹೆಸರನ್ನು ನೊಂದಾಯಿಸಲು ಜೂ.3 ಕೊನೆಯ ದಿನವಾಗಿದೆ.  ಈಗಾಗಲೇ ಕಾಲೇಜಿನ ವಿದ್ಯಾರ್ಥಿಗಳು ತಮ್ಮ ಹೆಸರನ್ನು ನೊಂದಾಯಿಸಿಕೊಂಡಿದ್ದು, ಇನ್ನೂ ಹೆಚ್ಚಿನ ವಿದ್ಯಾರ್ಥಿಗಳು ಇದರ ಸದುಪಯೋಗ ಪಡಿಸಿಕೊಳ್ಳಬೇಕೆಂದು ತಿಳಿಸಿದರು. ವಿದ್ಯಾರ್ಥಿಗಳು ಜಿಎಂ-ಸಿಇಟಿ ಪ್ರವೇಶ ಪರೀಕ್ಷೆ  ತೆಗೆದುಕೊಳ್ಳುವುದರಿಂದ  ಜಿಎಂಐಟಿ ಮ್ಯಾನೇಜ್ಮೆಂಟ್ ಕೋಟಾದ ಅಡಿಯಲ್ಲಿ ಎಂಜಿನಿಯರಿಂಗ್ ಸೇರಬಯಸುವ ವಿದ್ಯಾರ್ಥಿಗಳಿಗೆ ಮೊದಲನೇ ವರ್ಷಕ್ಕೆ 10.000 ರೂ ಗಳ  ಸ್ಕಾಲರ್ಶಿಪ್ ರೂಪದಲ್ಲಿ ರಿಯಾಯಿತಿ ನೀಡಲಾಗುತ್ತಿದೆ.  ಈ ಪರೀಕ್ಷೆ ಕರ್ನಾಟಕ ಸರ್ಕಾರ ನಡೆಸುವ ಸಿಇಟಿ ಪ್ರವೇಶ ಪರೀಕ್ಷೆಗೆ  ಪೂರಕವಾಗಿರಲಿದೆ.  ಇದರಿಂದ  ವಿದ್ಯಾರ್ಥಿಗಳಿಗೆ ಮನೋಸ್ಥೈರ್ಯ ಬೆಳೆಯುವುದಲ್ಲದೆ ಹೆಚ್ಚಿನ ಅಂಕಗಳ ಮೂಲಕ ಒಳ್ಳೆಯ ಶ್ರೇಣಿಯನ್ನು ಪಡೆಯಬಹುದಾಗಿದೆ ಎಂದು ತಿಳಿಸಿದರು.

http://erp.gmit.info/ecard/cet.html ಈ  ಲಿಂಕ್ ಮೂಲಕ ವಿದ್ಯಾರ್ಥಿಗಳು ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬಹುದಾಗಿದೆ ಎಂದು ತಿಳಿಸಿದರು. ಈ ಸಂದರ್ಭದಲ್ಲಿ ಡಾ.ಬಿ.ಎಸ್ ಸುನಿಲ್ ಕುಮಾರ್, ಡಾ.ಜಿ.ಹೆಚ್ ಪೂಜಾರ್,ತೇಜಸ್ವಿ ಕಟ್ಟಿಮನಿ ಇದ್ದರು.