ದಾವಣಗೆರೆ: ಆಯತಪ್ಪಿ ರೈಲಿಗೆ ಬೀಳ್ತಿದ್ದ ಪ್ರಯಾಣಿಕ; ರಕ್ಷಿಸಿದ ಹೋಮ್​ಗಾರ್ಡ್

ದಾವಣಗೆರೆ: ದಾವಣಗೆರೆ ನಗರದ ರೈಲ್ವೆ ನಿಲ್ದಾಣದಲ್ಲಿ ಆಯತಪ್ಪಿ ರೈಲಿಗೆ ಬೀಳ್ತಿದ್ದ ಪ್ರಯಾಣಿಕನನ್ನು ಹೋಮ್​ಗಾರ್ಡ್​ ರಕ್ಷಿಸಿದ ಘಟನೆ ನಡೆದಿದೆ.

ರಾಧಾಕೃಷ್ಣ ಎಂಬುವವರು ಚಲಿಸುತ್ತಿದ್ದ ಜನಶತಾಬ್ದಿ ಎಕ್ಸ್​ಪ್ರೆಸ್​​ ರೈಲನ್ನು ಓಡಿ ಬಂದು ಹತ್ತಲು ಹೋದಾಗ ಅಯತಪ್ಪಿ ಬಿದ್ದಿದ್ದಾರೆ. ಕೂಡಲೇ ಅಲ್ಲೇ‌ ಇದ್ದ ಹೋಮ್​ಗಾರ್ಡ್ ಲಕ್ಷ್ಮಣ್ ನಾಯ್ಕ್ ಮೇಲೆ ಎಳೆದುಕೊಂಡು ರಕ್ಷಣೆ ಮಾಡಿದ್ದಾರೆ.

ರೈಲು ಮೂವ್ ಆದ ಮೇಲೆ ರಾಧಾಕೃಷ್ಣ ಓಡೋಡಿ ಬಂದು ರೈಲು ಹತ್ತಲು ಮುಂದಾಗಿದ್ದರು. ಈ ವೇಳೆ ಕಾಲು ಜಾರಿ ಬಿದ್ದಿದ್ದಾರೆ. ಹೋಮ್​ಗಾರ್ಡ್ ರಕ್ಷಣೆ ಮಾಡಿದ್ದು , ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಹೋಮ್​ಗಾರ್ಡ್​ ಲಕ್ಷ್ಮಣ್ ನಾಯ್ಕ್ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ.