ದಾವಣಗೆರೆ: ಗೊಬ್ಬರ ಡೀಲರ್ ಶಿಪ್ ಕೊಡುವುದಾಗಿ ನಂಬಿಸಿ ಹೊನ್ನಾಳಿ ತಾಲ್ಲೂಕಿನ ಬೆನಕನಹಳ್ಳಿ ಗ್ರಾಮದ ಬೆನಕಪ್ಪಗೆ ( 41) ಕಂಪನಿಯೊಂದು 1.75 ಲಕ್ಷ ವಂಚಿಸಿದ ಘಟನೆ ನಡೆದಿದೆ.
ಡೀಲರ್ ಶಿಪ್ ನೀಡಬೇಕಾದರೆ ಕಂಪನಿಗೆ ಹಣ ತುಂಬಬೇಕು ಎಂದು ಹೇಳಿದ್ದಾರೆ. ಇನ್ನು ನಂಬಿ ವಿವಿಧ ಹಂತದಲ್ಲಿ 1.75 ಲಕ್ಷ ಹಣ ತುಂಬಿ ಬೆನಕಪ್ಪ ಮೋಸ ಹೋಗಿದ್ದಾರೆ. ಈ ಬಗ್ಗೆ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ . ಗೊಬ್ಬರ ಡೀಲರ್ ಶಿಪ್ ಗಾಗಿ ಬೆನಕಪ್ಪ ಆನ್ ಲೈನ್ ನಲ್ಲಿ ಹುಡುಕಾಟ ನಡೆಸುತ್ತಿದ್ದರು. ಆಗ ನ್ಯಾಷನಲ್ ಫರ್ಟಿಲೈಸರ್ಸ್ ಲಿಮಿಟಿಡ್ ಕಂಪನಿಯ ಜಾಹೀರಾತು ನೋಡಿ, ಆನ್ ಲೈನ್ ನಲ್ಲಿಯೇ ಅರ್ಜಿ ತುಂಬಿದ್ಧಾರೆ.
ನಂತರ ಬೆನಕಪ್ಪಗೆ ಕರೆ ಬಂದಿದೆ. 50 ಸಾವಿರ ಹಣ ತುಂಬಿ ಡೀಲರ್ ಶಿಪ್ ನೀಡಿ, ಗೊಬ್ಬರ ಕಳುಹಿಸಲಾಗುವುದು ಎಂದು ತಿಳಿಸಿದ್ದಾರೆ. ಇದನ್ನು ನಂಬಿದ ಬೆನಕಪ್ಪ 50 ಸಾವಿರ ಕಟ್ಟಿದ್ದಾರೆ. ನಂತರ ವಿವಿಧ ಕಾರಣ ಹೇಳಿ ಒಟ್ಟು 1.75 ಲಕ್ಷ ಕಂಪನಿಯ ಖಾತೆಗೆ ತುಂಬಿದ್ದಾರೆ. ಇಷ್ಟು ಹಣ ತುಂಬಿದ ಮೇಲೂ 5 ಲಕ್ಷ ಕಟ್ಟಬೇಕು ಎಂದು ಕಂಪನಿವರು ಹೇಳಿದಾಗ ಅನುಮಾನಗೊಂಡು ದೂರು ದಾಖಲಿಸಿದ್ಧಾರೆ.
