ಭದ್ರಾ ಡ್ಯಾಂ ಒಳ ಹರಿವು 42 ಸಾವಿರ ಕ್ಯೂಸೆಕ್ ; ನೀರಿನ ಮಟ್ಟ174.6 ಅಡಿಗೆ ಏರಿಕೆ; ಭರ್ತಿಗೆ 12 ಅಡಿ ಬಾಕಿ

ಭದ್ರಾವತಿ: ಭದ್ರಾ ಜಲಾಶಯ ಪ್ರದೇಶದಲ್ಲಿ ಮತ್ತೆ ಭಾರೀ ಮಳೆಯಾಗುತ್ತಿದೆ. ಒಳ ಹರಿವಿನ ಪ್ರಮಾಣ ಮತ್ತೆ ಹೆಚ್ಚಳವಾಗುದ್ದು, 42 ಸಾವಿರ ಕ್ಯೂಸೆಕ್ ನೀರು ಒಳ ಹರಿವಿದೆ. ಇದರಿಂದ ಇಂದಿನ ನೀರಿನ ಮಟ್ಟ 174.6ಅಡಿಗೆ ಏರಿಕೆಯಾಗಿದೆ.

ಇಂದು (ಜು.11) 41,645 ಕ್ಯೂಸೆಕ್ ಒಳಹರಿವಿದ್ದು, ನಿನ್ನೆ 31,989 ಕ್ಯೂಸೆಕ್ ಒಳ ಹರಿವಿತ್ತು. ಇಂದೀಗ ಒಮ್ಮೆ 10 ಸಾವಿರ ಕ್ಯೂಸೆಕ್ ನೀರು ಹೆಚ್ಚಳವಾಗಿದೆ. ಇಂದು ಬೆಳಗ್ಗೆ 6 ಗಂಟೆ ವೇಳೆಗೆ ನೀರಿನ ಮಟ್ಟ 174.6 ಅಡಿಗೆ ತಲುಪಿದೆ. ಇದೀಗ ಡ್ಯಾಂ ಭರ್ತಿಗೆ ಇನ್ನು 12 ಅಡಿ ಮಾತ್ರ ಬಾಕಿ ಉಳಿದಿದೆ. ಕಳೆದ ವರ್ಷ ಈ ದಿನ ಕೇವಲ 156 ಅಡಿಯಷ್ಟು ನೀರಿತ್ತು. ಈ ಕಳೆದ ವರ್ಷಕ್ಕಿಂತ 18 ಅಡಿಗೂ ಹೆಚ್ಚುವರಿ ನೀರು ಸಂಗ್ರಹವಾಗಿದೆ.

• ನೀರಿನ ಸಂಗ್ರಹದ ವಿವರ
• ಇಂದಿನ ನೀರಿನ ಮಟ್ಟ 174.6 ಅಡಿ
• ಪೂರ್ಣ ಮಟ್ಟ:186 ಅಡಿ
• ಇಂದಿನ ಸಾಮರ್ಥ್ಯ: 57.818 ಟಿಎಂಸಿ
• ಒಟ್ಟು ಸಾಮರ್ಥ್ಯ:71.535 ಟಿಎಂಸಿ
• ಒಳಹರಿವು: 41,645 ಕ್ಯೂಸೆಕ್
• ಒಟ್ಟು ಹೊರಹರಿವು: 153 ಕ್ಯೂಸೆಕ್
• ಬಲದಂಡೆ ನಾಲೆ: 0.00 ಕ್ಯೂಸೆಕ್ಸ್
• ಎಡದಂಡೆ ನಾಲೆ: 0.00ಕ್ಯೂಸೆಕ್ಸ್
• ಕಳೆದ ವರ್ಷ ಈ ದಿನ : 156 ಅಡಿ