ಭದ್ರಾ ಡ್ಯಾಂ ಇಂದಿನ ನೀರಿನ ಮಟ್ಟ 184 ಅಡಿ; ಬಲ ದಂಡೆ ಕಾಲುವೆಗೆ 1000 ಕ್ಯೂಸೆಕ್ ನೀರು ಬಿಡುಗಡೆ

ಭದ್ರಾವತಿ: ಭದ್ರಾ ಜಲಾಶಯ ಪ್ರದೇಶದಲ್ಲಿ ಮಳೆ ಮುಂದುವರೆದಿದೆ. ಇಂದು 61,831 ಸಾವಿರ ಕ್ಯೂಸೆಕ್ ನೀರು ಒಳ ಹರಿವಿದ್ದು, ಇಂದಿನ ನೀರಿನ ಮಟ್ಟ 184 ಅಡಿಗೆ ಏರಿಕೆಯಾಗಿದೆ. ಒಳ ಹರಿವು ಹೆಚ್ಚಾದ ಹಿನ್ನೆಲೆ ಈಗಾಗಲೇ ನದಿಗೆ 45 ಸಾವಿರ ಕ್ಯೂಸೆಕ್‌‌ ನೀರು‌ ಹೊರ ಬಿಡಲಾಗಿದ್ದು, ಬಲ ದಂಡೆ ಕಾಲುವೆಗೆ 1 ಸಾವಿರ ಕ್ಯೂಸೆಕ್ ನೀರು ಬಿಡಲಾಗಿದೆ.

ಇಂದು (ಜು.15) 61,831 ಕ್ಯೂಸೆಕ್ ಒಳಹರಿವಿದ್ದು, ಇಂದು ಬೆಳಗ್ಗೆ 9 ಗಂಟೆ ವೇಳೆಗೆ ನೀರಿನ ಮಟ್ಟ 184 ಅಡಿಗೆ ತಲುಪಿದೆ. ಭದ್ರಾ ಡ್ಯಾಂ 186 ಅಡಿಯಷ್ಟು ನೀರು ಸಂಗ್ರಹ ಸಾಮರ್ಥ್ಯ ಹೊಂದಿದೆ. ಒಟ್ಟು 71 ಟಿಎಂಸಿ ಸಾಮರ್ಥ್ಯ ಹೊಂದಿದೆ. ಒಳ ಹರಿವು ಹೆಚ್ಚಳ‌‌ ಹಿನ್ನೆಲೆ ಅರ್ಧ ಅಡಿಯಷ್ಟು ಗೇಟ್ ಮೇಲಕ್ಕೆ ಎತ್ತಲಾಗಿದ್ದು, ನಾಲ್ಕು ಗೇಟ್ ಗಳಿಂದ 45 ಸಾವಿರ ಕ್ಯೂಸರ್ ನೀರನ್ನು ಭದ್ರಾ ನದಿಗೆ ಬಿಡಲಾಯಿತು.

• ನೀರಿನ ಸಂಗ್ರಹದ ವಿವರ
• ಇಂದಿನ ನೀರಿನ ಮಟ್ಟ 184 ಅಡಿ
• ಪೂರ್ಣ ಮಟ್ಟ:186 ಅಡಿ
• ಒಟ್ಟು ಸಾಮರ್ಥ್ಯ:71.535 ಟಿಎಂಸಿ
• ಒಳಹರಿವು: 61,831 ಕ್ಯೂಸೆಕ್
• ಬಲದಂಡೆ ನಾಲೆ: 1000 ಕ್ಯೂಸೆಕ್
• ಎಡದಂಡೆ ನಾಲೆ: 0.00ಕ್ಯೂಸೆಕ್