ಡಿವಿಜಿ ಸುದ್ದಿ, ದಾವಣಗೆರೆ: ದಾವಣಗೆರೆಯ ಭಾಷಾನಗರ ನಿವಾಸಿಯಾದ ನರ್ಸ್ ಗೆ ಬಂದಿದ್ದ ಕೊರೊನಾ ಪಾಸಿಟಿವ್ , ಅವರೊಬ್ಬರಿಂದಲೇ 18 ಜನರಿಗೆ ಸೋಂಕು ತಗಲಿರುವುದು ಪತ್ತೆಯಾಗಿದೆ.
ನಿನ್ನೆ ಪತ್ತೆಯಾದ 21 ಪಾಸಿಟಿವ್ ಕೇಸ್ ಗಳಲ್ಲಿ ಸರ್ಸ್ ನಿಂದಲೇ 18 ಸೋಂಕು ಪತ್ತೆಯಾಗಿದೆ. ಇನ್ನುಳಿದಂತೆ 2 ಪಾಸಿಟಿವ್ ಕೇಸ್ ಗಳು ಜಾಲಿನಗರ ನಿವಾಸಿಯಿಂದ ಪತ್ತೆಯಾಗಿದ್ದು, ಇನ್ನೊಂದು ಕೇಸ್ ಬೇತೂರು ರಸ್ತೆಯ ನಿವಾಸಿ, ಹೊರ ಜಿಲ್ಲೆಗೆ ಈರುಳ್ಳಿ ಮಾರಾಟಕ್ಕೆ ಹೋಗಿರುವ ಬಗ್ಗೆ ಮಾಹಿತಿ ಲಭಯವಾಗಿದೆ. ಈ ಮೂರು ಪ್ರತ್ಯೇಕ ಪ್ರಕರಣಕ್ಕೆ ಸೋಂಕು ಹೇಗೆ ತಗುಲಿದೆ ಎಂಬುದರ ಬಗ್ಗೆ ಮೂಲ ಪತ್ತೆಯಾಗಿಲ್ಲ.
ಈ ಮೊದಲು ಜಿಲ್ಲೆಯ ನಿವಾಸಿಗಳಗಿದ್ದ ಇಬ್ಬರು ಫ್ರಾನ್ಸ್ ಹಾಗೂ ಅಮೆರಿಕಾದಿಂದ ಬಂದರಿಗೆ ಮಾತ್ರ ಕೊರೊನಾ ರೋಗ ಪತ್ತೆಯಾಗಿತ್ತು. ಈಗ ಪತ್ತೆಯಾದ 29 ಪ್ರಕರಣಗಳಲ್ಲಿ ಯಾರು ಕೂಡ ವಿದೇಶಿದಿಂದ ಬಂದ ಟ್ರಾವಲ್ ಹಿಸ್ಟರಿ ಹೊಂದಿಲ್ಲ, ಹೀಗಾಗಿ ಜಿಲ್ಲೆಯಲ್ಲಿ ಸೋಂಕು ಸಮೂಹ ಹಂತಕ್ಕೆ ತಲುಪಿದೆಯಾ ಎನ್ನುವ ಅನುಮಾನ ಮೂಡಿಸುವಂತಾಗಿದೆ.
