ಡಿವಿಜಿ ಸುದ್ದಿ, ದಾವಣಗೆರೆ: ದಾವಣಗೆರೆಯಲ್ಲಿ ನಿನ್ನೆ ಒಂದೇ ದಿನ 21 ಪಾಸಿಟಿವ್ ಪ್ರಕರಣ ಪತ್ತೆಯಾದ ಹಿನ್ನೆಲೆ ಕಳೆದ ವಾರ ಗ್ರೀನ್ ಜೋನ್ ನಲ್ಲಿದ್ದ ದಾವಣಗೆರೆ ಇದೀಗ ರೆಡ್ ಜೋನ್ ಗೆ ಬಂದಿದೆ.
ಈ ಬಗ್ಗೆ ಸರ್ಕಾರ ಇಂದು ನೂತನ ಪಟ್ಟಿ ಪ್ರಕಟಿಸಿದ್ದು, ದಾವಣಗೆರೆ ಜಿಲ್ಲೆ ರೆಡ್ ಜೋನ್ ಗೆ ಬಂದಿದೆ. 28 ದಿನದಿಂದ ಯಾವುದೇ ಪ್ರಕರಣ ಪತ್ತೆಯಾದ ಹಿನ್ನೆಲೆ ಏ. 28 ರಂದು ದಾವಣಗೆರೆ ಗ್ರೀನ್ ಜೋನ್ ಗೆ ಬಂದಿತ್ತು. ಆದರೆ, ಗ್ರೀನ್ ಜೋನ್ ಗೆ ಬಂದ ಮರು ದಿನವೇ ಅಂದರೆ, ಏ.29 ರಂದು ನಗರ ಭಾಷಾನಗರ ಮತ್ತು ಜಾಲಿ ನಗರದಲ್ಲಿ ಎರಡು ಕೇಸ್ ಗಳು ಪತ್ತೆಯಾಗಿದ್ದವು. ಈ ಎರಡು ಪ್ರಕರಣ ನಂತರ ಜಿಲ್ಲೆಯಲ್ಲಿ ಆತಂಕ ಮೂಡಿಸಿತ್ತು.
ಇದಾದ ನಂತರ ಮೇ.1 ರಂದು ಜಾಲಿನಗರದ ವೃದ್ಧ ಸಾವನ್ನಪ್ಪಿದ್ದ, ವೃದ್ಧನ ಕುಟುಂಬಕ್ಕ ಸೇರಿದ 5 ಜನರಲ್ಲಿ ಸೋಂಕು ಕಾಣಿಸಿಕೊಂಡಿತ್ತು. ಇದಲ್ಲದೆ ನರ್ಸ್ ಮಗನಿಗೂ ಸೋಂಕು ತಗುಲಿತ್ತು.ಇದಾದ ಬಳಿಕ ನಿನ್ನೆ 21 ಮಂದಿಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದರಿಂದ ಜಿಲ್ಲೆಯಲ್ಲಿ ಭಾರೀ ಹೊಡೆತ ನೀಡಿತ್ತು. ಹೀಗಾಗಿ ಇಂದು ದಾವಣಗೆರೆ ರೆಡ್ ಜೋನ್ ಗೆ ಬಂದಿದೆ.
