ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ದಿಢೀರ್ ಇಳಿಕೆಯಾಗಿದೆ. ಇಂದು (ಸೆ.22) ಹೊಸ ರಾಶಿ ಅಡಿಕೆ 3 ಸಾವಿರ ಇಳಿಕೆ ಕಂಡಿದೆ. ಹಳೆಯ ಅಡಿಕೆ ಸ್ವಲ್ಪ ಚೇತರಿಕೆಯಾಗಿದೆ. ಹಳೆ ರಾಶಿ ಅಡಿಕೆ ಗರಿಷ್ಠ 48,579 ರೂ.ಗಳಿಂದ 49,899 ರೂ. ಏರಿಕೆ ಕಂಡಿದ್ದು, ಹೊಸ ರಾಶಿ ಅಡಿಕೆ ಗರಿಷ್ಠ 50,189 ರೂ.ಗಳಿಂದ ದಿಢೀರ್ 47,169 ರೂ.ಗೆ ಕುಸಿತವಾಗಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ತಲುಪಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡು, ತಿಂಗಳ ಕೊನೆಯಲ್ಲಿ 48 ಸಾವಿರ ತಲುಪಿತ್ತು. ಇದೀಗ ಸೆಪ್ಟೆಂಬರ್ ತಿಂಗಳಲ್ಲಿ ಕಳೆದ 15ದಿನದಿಂದ ಚೇತರಿಕೆ ಕಂಡು 50 ಸಾವಿರ ಸ್ಥಿರ ಬೆಲೆ ದಾಖಲಾಗಿತ್ತು.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಸೆ.22 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ಹಳೆ ರಾಶಿ ಅಡಿಕೆ ಕನಿಷ್ಠ ಬೆಲೆ 40,231, ಗರಿಷ್ಠ ಬೆಲೆ 48,899 ಹಾಗೂ ಸರಾಸರಿ ಬೆಲೆ 46,600 ರೂ.ಗೆ ಮಾರಾಟವಾಗಿದೆ. ಹೊಸ ರಾಶಿ ಅಡಿಕೆ ಕನಿಷ್ಠ 42,510 ಗರಿಷ್ಠ 47,169 ಹಾಗೂ ಸರಾಸರಿ 45,210 ರೂ.ಗೆ ಮಾರಾಟವಾಗಿದೆ.
