ದಾವಣಗೆರೆಯಲ್ಲಿಂದು ಬರೋಬ್ಬರಿ 110 ಕೊರೊನಾ ಪಾಸಿಟಿವ್; 1 ಸಾವು

ಡಿವಿಜಿ ಸುದ್ದಿ, ದಾವಣಗೆರೆ:  ದಾವಣಗೆರೆಯಲ್ಲಿ ಕೊರೊನಾ ಪಾಸಿಟಿವ್ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ ಹೊರತು, ಕಡಿಮೆಯಂತೂ ಆಗಿಲ್ಲ.  ಇಂದು ಒಂದೇ ದಿನ 110 ಪಾಸಿಟಿವ್ ಪತ್ತೆಯಾಗಿದ್ದು, ಒಬ್ಬರು ಕೊರೊನಾದಿಂದ ಮೃತಪಟ್ಟಿದ್ದಾರೆ.

 ಜಿಲ್ಲೆಯಲ್ಲಿ ಒಟ್ಟು 1533 ಕೊರೊನಾ ಪಾಸಿಟಿವ್ ಪ್ರಕಣಗಳು ಪತ್ತೆಯಾಗಿದ್ದು, ಅದರಲ್ಲಿ 927 ಮಂದಿ ಗುಣಮುಖರಾಗಿದ್ದಾರೆ. ಇಂದು ಕೂಡ 60 ಮಂದಿ ಕೊರೊನಾದಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.  ಹರಿಹರದ ಬೆಂಕಿ ನಗರ 65 ವರ್ಷದ ವೃದ್ಧ ಮೃತಪಟ್ಟಿದ್ದಾನೆ. ಈ ಮೂಲಕ ಜಿಲ್ಲೆಯಲ್ಲಿ ಒಟ್ಟು 37 ಮಂದಿ ಮೃತಪಟ್ಟಂತಾಗಿದೆ. ಜಿಲ್ಲೆಯಲ್ಲಿ ಇನ್ನು 569 ಸಕ್ರಿಯ ಕೇಸ್ ಗಳಿವೆ.

 ಇಂದು ಪತ್ತೆಯಾದ 110 ಪಾಸಿಟಿವ್ ಪ್ರಕರಣಗಳಲ್ಲಿ ದಾವಣಗೆರೆಯಲ್ಲಿ ಅಧಿಕ 73, ಹರಿಹರ 07, ಜಗಳೂರು 16, ಚನ್ನಗಿರಿ 07, ಹೊನ್ನಾಳಿ 03 ಹಾಗೂ ಹೊರ ಜಿಲ್ಲೆಯಿಂದ 04 ಮಂದಿಯಲ್ಲಿ ಕೊರೊನಾ ಕಾಣಿಸಿಕೊಂಡಿದೆ.