ಡಿವಿಜಿ ಸುದ್ದಿ, ದಾವಣಗೆರೆ: ಜಿಲೆಯಲ್ಲಿಂದು 35 ಮಂದಿಗೆ ಕೊರೊನಾ ಪಾಸಿಟಿವ್ ಬಂದಿದ್ದು , ಒಟ್ಟು ಸೋಂಕಿತರ ಸಂಖ್ಯೆ 633ಕ್ಕೆ ಏರಿಕೆಯಾಗಿದೆ.
ಇಂದು 15 ಮಂದಿ ಕೊರೊನಾದಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಈ ಮೂಲಕ ಒಟ್ಟು 483 ಮಂದಿ ಗುಣಮುಖರಾಗಿದ್ದಾರೆ. ಕೊರೊನಾಗೆ ಜಿಲ್ಲೆಯಲ್ಲಿ ಇದುವರೆಗೆ 22 ಮಂದಿ ಮೃತಪಟ್ಟಿದ್ಧಾರೆ.
ಇಂದು ಪತ್ತೆಯಾದ 35 ಪಾಸಿವ್ ಪ್ರಕರಣಗಳಲ್ಲಿ ದಾವಣಗೆರೆಯಲ್ಲಿ ಅಧಿಕ 24 ಮಂದಿಗೆ ಕೊರೊನಾ ತಗುಲಿದೆ. ಹರಿಹರ 01, ಜಗಳೂರು 03, ಚನ್ನಗಿರಿ 01, ಹೊನ್ನಾಳಿ 05, ಬಳ್ಳಾರಿ 01 ಪ್ರಕರಣಗಳು ಪತ್ತೆಯಾಗಿವೆ. ಜಿಲ್ಲೆಯಲ್ಲಿ ಇನ್ನು 128 ಸಕ್ರಿಯ ಪ್ರಕರಣಗಳಿವೆ.
