ನಾಳೆ ಪಿಎಸ್ಎಸ್ಇಎಂ ಆರ್ ಶಾಲೆಯ ವಾರ್ಷಿಕೋತ್ಸವ

ಡಿವಿಜಿ ಸುದ್ದಿ, ದಾವಣಗೆರೆ:   ನಗರದ ಹೊರವಲಯದ ತೋಳಹುಣಸೆಯ ಶಿವಗಂಗೋತ್ರಿಯಲ್ಲಿರುವ ಶ್ರೀಮತಿ ಪಾರ್ವತಮ್ಮ ಶಾಮನೂರು ಶಿವಶಂಕರಪ್ಪ ಆಂಗ್ಲ ಮಾಧ್ಯಮ ವಸತಿಯುತ ಶಾಲೆಯಲ್ಲಿ ನಾಳೆ(ಡಿ.22) ರಂದು ಭಾನುವಾರ ಸಂಜೆ 5 ಗಂಟೆಗೆ ಶಾಲೆ ಮತ್ತು ಪಿ ಯು ಕಾಲೇಜಿನ ವಾರ್ಷಿಕೋತ್ಸವ ಕಾರ್ಯಕ್ರಮ ನಡೆಯಲಿದೆ.

ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ದಾವಣಗೆರೆ ಜಿಲ್ಲೆಯ ಜಿಲ್ಲಾಧಿಕಾರಿ  ಮಾಹಾಂತೇಶ ಬೀಳಗಿ ಆಗಮಿಸಲಿದ್ದು, ಅಧ್ಯಕ್ಷತೆಯನ್ನು ವಾಣಿಜ್ಯೋದ್ಯಮಿ ಹಾಗೂ ಶಾಲೆಯ ಅಧ್ಯಕ್ಷ ಎಸ್.ಎಸ್.ಗಣೇಶ್ ರವರು ವಹಿಸಿಕೊಳ್ಳಲಿದ್ದಾರೆ.  ವಿಶೇಷ ಆಹ್ವಾನಿತರಾಗಿ ರೇಖಾ ಗಣೇಶ್ ಹಾಗೂ ನಿರ್ದೇಶಕ ಕೆ.ಇಮಾಮ್‌ರವರು ಆಗಮಿಸಲಿದ್ದಾರೆ. ಸಂಸ್ಥೆಯ  ಮುಖ್ಯಸ್ಥ  ಮಂಜುನಾಥ್ ರಂಗರಾಜು, ಪ್ರಾಂಶುಪಾಲೆ  ಜೆ.ಎಸ್ ವನಿತಾ, ಮಕ್ಕಳು, ಪೋಷಕರು ಉಪಸ್ಥಿತರಿರುವರು.

ವಾರ್ಷಿಕೋತ್ಸವದಲ್ಲಿ ಶ್ರೀ ರಾಮಾಯಣ ರೂಪಕದಲ್ಲಿ ಶ್ರೀ ರಾಮನ ಜನ್ಮದಿಂದ ರಾವಣನ ವಧೆಯವರಿನ ಪ್ರಸಂಗವನ್ನು ಶಾಲೆಯ ವಿದ್ಯಾರ್ಥಿಗಳು ಪ್ರಸ್ತುತ ಪಡಿಸಲಿದ್ದಾರೆ. ನಂತರ ಸಾಂಸ್ಕೃತಿಕ ನೃತ್ಯಗಳು ಜರುಗಲಿವೆ.

ಶಾಲೆ ಮತ್ತು ಕಾಲೇಜಿನ  ವಾರ್ಷಿಕ ಕ್ರೀಡೋತ್ಸವನ್ನು ಇಂದು ಆಯೋಜಿಸಲಾಗಿತ್ತು. ದಾವಣಗೆರೆ ನಗರದ ಉಪ ಪೋಲಿಸ್ ವರಿಷ್ಠ ಅಧಿಕರಿ ನಾಗೇಶ ಐತಾಳ ಕಾರ್ಯಕ್ರಮ  ಉದ್ಘಾಟಸಿ ವಿದ್ಯಾರ್ಥಿಗಳು ಸರ್ವತೋಮುಖ ಅಭಿವೃದ್ಧಿಯನ್ನು ಹೊಂದಬೇಕು. ಕ್ರೀಡಾಪಡುಗಳ ಸಂಸ್ಥೆಯ ಸವಲತ್ತುಗಳನ್ನು ಸರಿಯಾಗಿ ಬಳಸಿಕೊಳ್ಳಬೇಕು ಎಂದು ಕರೆ ನೀಡಿದರು.

ಶಾಲೆ ಮತ್ತು ಕಾಲೇಜಿನ ಮುಖ್ಯಸ್ಥ ಮಂಜುನಾಥ್ ಅವರು ಮುಖ್ಯ ಅತಿಥಿಗಳನ್ನು ಸ್ವಾಗತಿಸಿದರು. ವಂದನಾರ್ಪಣೆಯನ್ನು ಪ್ರಾಂಶುಪಾಲೆ ವನಿತಾ ನರವೇರಿಸಿದರು. ವಿದ್ಯಾರ್ಥಿಗಳಾದ ಸಿದ್ದೇಶ್ ಮತ್ತು ಅನುಶಾ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಕಾರ್ಯಕ್ರಮದಲ್ಲಿ ಶಿಕ್ಷಕ-ಶಿಕ್ಷಕೇತರ ಸಿಬ್ಬಂದಿ ವರ್ಗದವರು ವಿದ್ಯಾರ್ಥಿಗಳು ಕಾರ್ಯಕ್ರನದಲ್ಲಿ ಉಪಸ್ಥಿತರಿದ್ದರು.