ದಾವಣಗೆರೆ: 73 ಕೊರೊನಾ ಪಾಸಿಟಿವ್; 279 ಸಕ್ರಿಯ; 1 ಸಾವು

ಡಿವಿಜಿ ಸುದ್ದಿ, ದಾವಣಗೆರೆ:  ಜಿಲ್ಲೆಯಲ್ಲಿಂದು ಬರೋಬ್ಬರಿಗೆ 73 ಕೊರೊನಾ ಪಾಸಿಟಿವ್ ಪತ್ತೆಯಾಗಿದ್ದು, ಜಿಲ್ಲೆಯಲ್ಲಿ ಒಂದೇ ದಿನ  ದಾಖಲಾದ  ಅತಿ ಹೆಚ್ಚು ಕೊರೊನಾ ಪ್ರಕರಣಗಳಾಗಿವೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 880ಕ್ಕೆ ಏರಿಕೆಯಾಗಿದೆ.

ಜಿಲ್ಲೆಯಲ್ಲಿ ಇಂದು ಕೊರೊನಾದಿಂದ ಒಬ್ಬರು ಮೃತಪಟ್ಟಿದ್ದು, ಒಟ್ಟು ಸಾವಿನ ಸಂಖ್ಯೆ 30ಕ್ಕೆ ಹೆಚ್ಚಳವಾಗಿದೆ. ಇಂದು ಯಾವುದೇ  ಪ್ರಕರಣಗಳು ಗುಣಮುಖರಾಗಿಲ್ಲ.  880 ಕೊರೊನಾ ಪಾಸಿಟಿವ್ ನಲ್ಲಿ 571 ಕೇಸ್ ಗಳು ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಜಿಲ್ಲೆಯಲ್ಲಿ ಇನ್ನು 279 ಸಕ್ರಿಯ ಪ್ರಕರಣಗಳಿವೆ.

ಇಂದು ಪತ್ರೆಯಾದ 73 ಪ್ರಕರಣಗಳಲ್ಲಿ ದಾವಣಗೆರೆಯಲ್ಲಿ ಅಧಿಕ 34, ಹರಿಹರ 13, ಜಗಳೂರು 11, ಚನ್ನಗಿರಿ 09,ಹೊನ್ನಾಳಿ 02, ಬೇರೆ ಜಿಲ್ಲೆಯ 04 ಪ್ರಕಣಗಳು ಸೇರಿವೆ. ಹರಿಹರದ 64 ವರ್ಷದ ಮಹಿಳೆ ಮೃತಪಟ್ಟಿದ್ದಾರೆ.