ದಾವಣಗೆರೆ: ನಿಮಗೆ 12 ಲಕ್ಷ ಬಹುಮಾನ ಬಂದಿದೆ. ಅದನ್ನು ಗಿಫ್ಟ್ ರೂಪದಲ್ಲಿ ನೀಡಲಾಗುವುದು. ಗಿಫ್ಟ್ ಸ್ವೀಕರಿಸುವುದಕ್ಕೂ ಮುನ್ನ ತೆರಿಗೆ ಕಟ್ಟಬೇಕು ಎಂದು ನಂಬಿಸಿ ಗಾಂಧಿನಗರ ನಿವಾಸಿಯೊಬ್ಬರಿಂದ 1.79 ಲಕ್ಷ ವಂಚಿಸಿದ ಘಟನೆ ನಡೆದಿದೆ.
ಗಾಂಧಿನಗರ ನಿವಾಸಿದ ಅಂಚೆ ಕಚೇರಿಯ ಸ್ವೀಪರ್ ನೌಕರ ರಘು( 45 ) ಮೋಸ ಹೋದವರಾಗಿದ್ದಾರೆ. ಇವರಿಗೆ ನಾಪ್ಟಾಲ್ ಆನ್ ಲೈನ್ ಶಾಪಿಂಗ್ ಕಂಪನಿಯಿಂದ ಒಂದು ಪತ್ರ ಬಂದಿತ್ತು. ಆ ಪತ್ರದಲ್ಲಿ 12 ಲಕ್ಷ ರೂಪಾಯಿ ಗೆದ್ದಿದ್ದೀರಿ. ಅದನ್ನು ಗಿಫ್ಟ್ ರೂಪದಲ್ಲಿ ನೀಡಲಾಗುವುದು ತಿಳಿಸಿದ್ದರು. ಪತ್ರದಲ್ಲಿ ನಂಬರ್ ಗೆ ಕಾಲ್ ಮಾಡಿದಾಗ ಗಿಫ್ಟ್ ಕಳಿಸುವುದಕ್ಕೂ ಮುನ್ನ ತೆರಿಗೆ ಕಟ್ಟಬೇಕು ಎಂದು ಅನೇಕ ಬಾರಿ ಹಣ ಹಾಕಿಸಿಕೊಂಡಿದ್ದು, ಒಟ್ಟು 1.75 ಲಕ್ಷ ಪಾವತಿಸಿ ಮೋಸ ಹೋಗಿದ್ದಾರೆ. ಈ ಬಗ್ಗೆ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
