ಕ್ರಿಕೆಟ್: ಟೀಂ ಇಂಡಿಯಾಕ್ಕೆ ಕನ್ನಡಿಗ ರಾಹುಲ್ ದ್ರಾವಿಡ್ ನೂತನ ಸಾರಥಿ

ನವದೆಹಲಿ:  ಭಾರತೀಯ ಕ್ರಿಕೆಟ್​  ತಂಡದ ಮುಖ್ಯ​ ಕೋಚ್​ ಹುದ್ದೆ ಅಲಂಕರಿಸಲು ಕನ್ನಡಿಗ  ರಾಹುಲ್​ ದ್ರಾವಿಡ್​ ಸಮ್ಮತಿ ಸೂಚಿಸಿದ್ದಾರೆ. ದುಬೈ ನಲ್ಲಿ ನಡೆಯಲಿರುವ ಟಿ20 ವಿಶ್ವ ಕಪ್ ಬಳಿಕ ಮುಖ್ಯ ಕೋಚ್ ಹುದ್ದೆ ಅಲಂಕರಿಸಲಿದ್ದಾರೆ.

ದುಬೈನಲ್ಲಿ ಅಕ್ಟೋಬರ್​ 17 ರಿಂದ ನವೆಂಬರ್​ 14 ರವರೆಗೆ ನಡೆಯಲಿರುವ ಟಿ20 ವರ್ಲ್ಡ್​ ಕಪ್​ನ ನಂತರ ಅವರು ಕಾರ್ಯಾರಂಭ ಮಾಡಲಿದ್ದಾರೆ . ಕಳೆದ 6 ವರ್ಷಗಳಿಂದ ಭಾರತದ ಎ ಟೀಂ ಮತ್ತು ಅಂಡರ್​ 19 ಟೀಂಗಳ ಉಸ್ತುವಾರಿ ವಹಿಸಿಕೊಂಡಿದ್ದರು.  48 ವರ್ಷದ ದ್ರಾವಿಡ್ ಹುದ್ದೆ ಅಲಂಕರಿಸಲು ಮೊದಲು ನಿರಾಕರಿಸಿದ್ದರು. ನಿನ್ನೆಯ ಐಪಿಎಲ್​ ಫೈನಲ್ಸ್​ನ ಸಮಯದಲ್ಲಿ ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿ ಮತ್ತು ಕಾರ್ಯದರ್ಶಿ ಜಯ್​ ಷಾ ಮಾತನಾಡಿ ಒಪ್ಪಿಗೆ ಪಡೆದಿದ್ದಾರೆ.

ಭಾರತದ ದಿ ವಾಲ್ ಖ್ಯಾತಿಯ ದ್ರಾವಿಡ್,  ಬೆಂಗಳೂರಿನ ನ್ಯಾಷನಲ್ ಕ್ರಿಕೆಟ್​ ಅಕಾಡೆಮಿಯ ಮುಖ್ಯಸ್ಥರಾಗಿದ್ದಾರೆ.  ಮುಖ್ಯ ಕೋಚ್​ ಸ್ಥಾನಕ್ಕೆ ವಿದಾಯ ಹೇಳುತ್ತಿರುವ ಹಿರಿಯ ಆಟಗಾರ ರವಿ ಶಾಸ್ತ್ರಿ ಅವರ ಸ್ಥಾನ ತಉಂಬಲಿದ್ದಾರೆ.  ರಾಹುಲ್​ ದ್ರಾವಿಡ್​ರ ಗರಡಿಯಲ್ಲಿ ಪಳಗಿದ ರಿಷಭ್​ ಪಂತ್​, ಅವೇಶ್​ ಖಾನ್​, ಪೃಥ್ವಿ ಶಾ, ಹನುಮ ವಿಹಾರಿ, ಶುಬ್ಮಾನ್​ ಗಿಲ್​ ಭಾರತ ತಂಡದಲ್ಲಿದ್ಧಾರೆ.