ಹೊಸ ವರ್ಷದಿಂದ ಎಟಿಎಂ ಹಣ ಡ್ರಾ ದುಬಾರಿ  

ನವದೆಹಲಿ: ಹೊಸ ವರ್ಷದಲ್ಲಿ ಠೇವಣಿ, ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್‌ಗಳಿಗೆ ಸಂಬಂಧಿಸಿದ ಕೆಲವು ನಿಯಮಗಳಲ್ಲಿ ಬದಲಾವಣೆ ಆಗಲಿದೆ. ಜನವರಿಯಿಂದ ಗ್ರಾಹಕರು ಉಚಿತ ಎಟಿಎಂ ವಹಿವಾಟಿನ ಮಿತಿ  ದಾಟಿದರೆ ಹೆಚ್ಚುವರಿ ಶುಲ್ಕ ಪಾವತಿಸಬೇಕಾಗುತ್ತದೆ.

ಜೂನ್‌ನಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್(RBI)  ಜ.01 2022 ರಿಂದ ಜಾರಿಗೆ ಬರುವಂತೆ ಎಟಿಎಂಗಳಿಂದ ಉಚಿತ ಮಾಸಿಕ ಹಿಂಪಡೆಯುವಿಕೆಯ ಮಿತಿಯ ನಂತರ ಶುಲ್ಕವನ್ನು ಹೆಚ್ಚಿಸಲು ಬ್ಯಾಂಕ್‌ಗಳಿಗೆ ಅನುಮತಿ ನೀಡಿದೆ. ಹೀಗಾಗಿ ಮೆಟ್ರೋ ನಗರಗಳಲ್ಲಿ, ಇತರ ಬ್ಯಾಂಕ್ ಗಳ ಎಟಿಎಂಗಳಿಂದ 3 ಬಾರಿ ಎಟಿಎಂ ಸೇವೆಯನ್ನು ಪಡೆಯಬಹುದು. ಮೆಟ್ರೋ ನಗರವಲ್ಲ ಕಡೆ  5 ಬಾರಿ ಹಣ ಪಡೆಯಬಹುದಾಗಿದೆ. ಜನವರಿ 1 ರಿಂದ ಉಚಿತ ಮಿತಿಯ ನಂತರ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಆರ್‌ಬಿಐ ಮಾರ್ಗಸೂಚಿಗಳ ಪ್ರಕಾರ ಉಚಿತ ಮಿತಿಗಿಂತ ಹೆಚ್ಚಿನ ಹಣಕಾಸಿನ ವಹಿವಾಟುಗಳು 21 ರೂ. ಮತ್ತು ಜಿಎಸ್‌ಟಿ ಪಾವತಿಸಬೇಕಿದೆ.