ಕಾಂಗ್ರೆಸ್ ಗೆ ಮತ್ತೊಂದು ಶಾಕ್; ನಟಿ ಖುಷ್ಬೂ ನಂತರ ದಕ್ಷಿಣ ಭಾರತದ ಮತ್ತೊಬ್ಬ ನಟಿ ಬಿಜೆಪಿ ಸೇರ್ಪಡೆಗೆ ಸಿದ್ಧತೆ ..!

 ಹೈದರಾಬಾದ್‌:  ಸತತ ಸೋಲಿನಿಂದ ಕುಸಿದಿರುವ ಕಾಂಗ್ರೆಸ್ ಗೆ ಮತ್ತೊಂದು ಶಾಕ್ ನೀಡಲು ಮತ್ತೊಬ್ಬ ನಟಿ ಸಿದ್ಧವಾಗಿದ್ದಾರೆ. ಕಾಂಗ್ರೆಸ್‌ನ ಹಿರಿಯ ನಾಯಕಿ, ನಟಿ ವಿಜಯಶಾಂತಿ ಅವರು ಶೀಘ್ರದಲ್ಲಿಯೇ ಬಿಜೆಪಿಗೆ ಸೇರಲಿದ್ದಾರೆ ಮೂಲಗಳು ತಿಳಿಸಿವೆ. ಮಾಜಿ ಸಂಸದೆ ಆಗಿರುವ ವಿಜಯಶಾಂತಿ ಅವರು ಕೆಲ ದಿನಗಳಿಂದ ಕಾಂಗ್ರೆಸ್‌ನಲ್ಲಿ ಸಕ್ರಿಯರಾಗಿಲ್ಲ.

ನಟಿ  ಖುಷ್ಬೂ ಬಳಿಕ ಬಿಜೆಪಿಗೆ ಸೇರಿದ ದಕ್ಷಿಣ ಭಾರತದ ಎರಡನೇ ನಟಿ ಎನಿಸಿಕೊಳ್ಳಲಿದ್ದಾರೆ.  ನಟಿ ಖುಷ್ಬೂ ಈಗಾಗಲೇ ಕಾಂಗ್ರೆಸ್‌ ತೊರೆದು ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆ. ಡಿಸೆಂಬರ್‌ 1ರಂದು ಗ್ರೇಟರ್ ಹೈದರಾಬಾದ್ ಮಹಾನಗರ ಪಾಲಿಕೆಗೆ ಚುನಾವಣೆ ನಡೆಯಲಿದ್ದು, ನಟಿಯ ಸೇರ್ಪಡೆ ಬಿಜೆಪಿಗೆ ಮತ್ತಷ್ಟು ವಿಶ್ವಾಸ ಬಂತಾಗಿದೆ. ವಿಜಯಶಾಂತಿ ಅವರು ದೆಹಲಿಗೆ ತೆರಳಿ, ಅಮಿತ್‌ ಶಾ ಸಮ್ಮುಖದಲ್ಲಿ ಪಕ್ಷ ಸೇರಲಿದ್ದಾರೆ ಎನ್ನುವ ಮಾಹಿತಿ ಇದೆ.