ದಾವಣಗೆರೆ: 7794 ಶಿಕ್ಷಕರ ಕೋವಿಡ್ ಪರೀಕ್ಷೆಯಲ್ಲಿ 3  ಪಾಸಿಟಿವ್ ಪತ್ತೆ

ದಾವಣಗೆರೆ: ಜನವರಿ 1 ರಿಂದ ಶಾಲೆ ಪ್ರಾರಂಭವಾದ ಹಿನ್ನೆಲೆ ಪ್ರಾಥಮಿಕ ಹಾಗೂ ಪ್ರೌಢ ಶಾಲಾ ಶಿಕ್ಷಕರಿಗೆ ಕೋವಿಡ್ ಟೆಸ್ಟ್ ಒಳಪಡಿಸಲಾಗಿದ್ದು, ಜಿಲ್ಲೆಯದ್ಯಾಂತ ಪ್ರಾಥಮಿಕ ಶಾಲೆಯ 4995 ಶಿಕ್ಷಕರ ಕೋವಿಡ್ ಪರೀಕ್ಷೆಯಲ್ಲಿ 2  ಪಾಸಿಟಿವ್ ಹಾಗೂ ಪ್ರೌಢ ಶಾಲೆ 2799 ಶಿಕ್ಷಕರಲ್ಲಿ  ಒಬ್ಬರಿಗೆ  ಪಾಸಿಟಿವ್ ಪತ್ತೆಯಾಗಿದೆ.

ಜಿಲ್ಲೆಯಲ್ಲಿ ಒಟ್ಟು ಮೂರು ಜನ ಶಿಕ್ಷಕರಿಗೆ ಪಾಸಿಟಿವ್ ಕೊರೊನಾ ಪಾಸಿಟವ್ ಪ್ರಕರಣಗಳು ಪತ್ತೆಯಾಗಿದ್ದು, 7794 ಶಿಕ್ಷಕರಿಗೆ ನಡೆಸಲಾಗಿದ್ದ ಕೋವಿಡ್ ಟೆಸ್ಟ್ ನಡೆಸಲಾಗಿತ್ತು.  ಈ ಮೂರು ಪ್ರಕರಣಗಳು ಜಗಳೂರು ತಾಲ್ಲೂಕಿನಲ್ಲಿಯೇ  ಶಿಕ್ಷಕರಲ್ಲಿಯೇ ಪತ್ತೆಯಾಗಿವೆ.  ಕಳೆದ ಒಂದು ವಾರದಿಂದ ಜಿಲ್ಲೆಯ ಸರ್ಕಾರಿ, ಅನುದಾನಿತ ಹಾಗೂ ಅನುದಾನ ರಹಿತ ಶಿಕ್ಷಕರಿಗೆ  ಕೋವಿಡ್ ಟೆಸ್ಟ್ ಗೆ ಒಳಪಡಿಸಲಾಗಿತ್ತು.