ದಾವಣಗೆರೆ: ಜಿಲ್ಲೆಯ ಹರಿಹರ ಪಟ್ಟಣದ ತಾಲ್ಲೂಕ್ ಆಫೀಸ್ ಎದುರಲ್ಲಿಯೇ ಅನಧಿಕೃತವಾಗಿ ವೋಟರ್ ಐಡಿ ಕಾರ್ಡ್ ಪ್ರಿಂಟ್ ಹಾಕುತ್ತಿದ್ದ ಜೆರಾಕ್ಸ್ ಅಂಗಡಿ ಮೇಲೆ ಚುನಾವಣೆ ಅಧಿಕಾರಿ ಮತ್ತು ತಹಶೀಲ್ದಾರ್ ದಾಳಿ ಮಾಡಿದ್ದಾರೆ. ಅಂಗಡಿ ಮಾಲೀಕರ ವಿರುದ್ಧ ಕೇಸ್ ದಾಖಲು ಮಾಡಿದ್ದಾರೆ.
ಹರಿಹರ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಸಹಾಯಕ ಮತದಾರ ನೋಂದಣಿ ಅಧಿಕಾರು ಅಶ್ವತ್ಥ ಎಂ.ಬಿ. ಹಾಗೂ ತಹಶೀಲ್ದಾರ್ ಗ್ರೇಡ್ -1 ಅಧಿಕಾರಿಗಳು ಖಚಿತ ಮಾಹಿತಿ ಮೇರೆಗೆ ತಾಲ್ಲೂಕ್ ಆಫೀಸ್ ಎದುರಿನ ಶಿಲ್ಪಾ ಜೆರಾಕ್ಸ್ ಅಂಗಡಿ ಮೇಲೆ ದಾಳಿ ಮಾಡಿದ್ದಾರೆ. ದಾಳಿ ವೇಳೆ ಖಾಸಗಿ ವೆಬ್ ಸೈಟ್ ಗೆ ಮತದಾರ ಸಂಖ್ಯೆ, ಫೋಟೋ ಅಪ್ಲೋಡ್ ಮಾಡಿ, ಕಲರ್ ಪ್ರೀಟ್ ಹಾಕಿ ವೋಟರ್ ಐಡಿ ಕಾರ್ಡ್ ಕೊಡಲಾಗುತ್ತಿತ್ತು. ಈ ಬಗ್ಗೆ ಹರಿಹರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
