ದಾವಣಗೆರೆ: ವಾಡಿಕೆಗಿಂತ 41 ಮಿ.ಮೀ ಹೆಚ್ಚುವರಿ ಮಳೆ

ದಾವಣಗೆರೆ: ಜಿಲ್ಲೆಯಲ್ಲಿ ಕಳೆದ 20 ದಿನದಿಂದ ಸತತ ಮಳೆ ಸುರಿಯುತ್ತಿದೆ. ಪ್ರಸಕ್ತ ಸಾಲಿನಲ್ಲಿ ಪೂರ್ವ ಮುಂಗಾರು ಹಾಗೂ ಮುಂಗಾರಿನಲ್ಲಿ ವಾಡಿಕೆಗಿಂತ 41 ಮಿ.ಮೀ ಹೆಚ್ಚು ಮಳೆಯಾಗಿದೆ ಎಂದು ಹವಾಮಾನ ಇಲಾಖೆ ಮಾಹಿತಿ ನೀಡಿದೆ.

2024 ರ ಜನವರಿಯಿಂದ ಜುಲೈ 23 ರ ವರೆಗಿನ 263 ಮಿ.ಮೀ ವಾಡಿಕೆ ಮಳೆಯಾಗಬೇಕಿತಗತು. ಆದರೆ, ಜಿಲ್ಲೆಯಲ್ಲಿ 371 ಮಿ.ಮೀ ಸರಾಸರಿ ಮಳೆಯಾಗಿದೆ. ತಾಲ್ಲೂಕುವಾರು ಚನ್ನಗಿರಿ 352.8 ಮಿ.ಮೀ ವಾಡಿಕೆಗೆ 405.3, ದಾವಣಗೆರೆ 235.8 ಮಿ.ಮೀ ವಾಡಿಕೆಯಲ್ಲಿ 340.9, ಹರಿಹರ 255.1 ಮಿ.ಮೀ ವಾಡಿಕೆಗೆ 358.3, ಹೊನ್ನಾಳಿ 269.5 ವಾಡಿಕೆಗೆ 423.1, ಜಗಳೂರು 205 ಮಿ.ಮೀ ವಾಡಿಕೆಗೆ 279.2, ನ್ಯಾಮತಿ 374.6 ಮಿ.ಮೀ ವಾಡಿಕೆ ಮಳೆಗೆ 530 ಮಿ.ಮೀ ವಾಸ್ತವಿಕ ಮಳೆಯಾಗಿದೆ.

ಜೂನ್ ತಿಂಗಳಲ್ಲಿನ ಜಿಲ್ಲೆಯ 79 ಮಿ.ಮೀ ವಾಡಿಕೆಗೆ 76 ಮಿ.ಮೀ ಮಳೆಯಾಗಿದೆ. ಜುಲೈ ತಿಂಗಳಲ್ಲಿ 23 ರವರೆಗೆ 79 ಮಿ.ಮೀ ವಾಡಿಕೆಗೆ 150 ಮಿ.ಮೀ ಸರಾಸರಿ ಮಳೆಯಾಗಿದೆ.