ದಾವಣಗೆರೆ: ಕಣುಮ ಹ*ತ್ಯೆ ಆರೋಪಿ ತಪ್ಪಿಸಿಕೊಳ್ಳಲು ಯತ್ನ; ಪೊಲೀಸರಿಂದ ಫೈರಿಂಗ್

ದಾವಣಗೆರೆ: ರೌಡಿಶೀಟರ್ ಕಣುಮ ಅಲಿಯಾಸ್ ಸಂತೋಷ್‌ ಕೊ*ಲೆ ಆರೋಪಿಯೊಬ್ಬ ಮೊಬೈಲ್ ಬಿಸಾಕಿದ ಸ್ಥಳ ಮಹಜರಿಗೆ ಕರೆದುಕೊಂಡು ಹೋಗಿದ್ದಾಗ ತಪ್ಪಿಸಿಕೊಳ್ಳಲು ಯತ್ನ ನಡೆಸಿದ ಆರೋಪಿ ಕಾಲಿಗೆ ಗುಂಡು ಹಾರಿಸಿ (Firing) ಪೊಲೀಸರು ಸೆರೆ ಹಿಡಿದಿದ್ದಾರೆ.

ಸ್ಥಳ ಮಹಜರಿಗೆ ವೇಳೆ ಫೈರಿಂಗ್

ಕೊ*ಲೆ ಆರೋಪಿ ಚಾವಳಿ ಸಂತು ಎಂಬಾತನ ಕಾಲಿಗೆ ಪೊಲೀಸರು ಗುಂಡು ಹಾರಿಸಿದ್ದಾರೆ. ನಗರದ‌ ಹೊರವಲಯದ ಆವರಗೆರೆ ಬಳಿ ಮೊಬೈಲ್‌ ಫೋನನ್ನು ಬಿಸಾಕಿರುವುದಾಗಿ ತಿಳಿಸಿದ್ದನು. ಆತನನ್ನು ಸ್ಥಳ ಮಹಜರಿಗೆ ಪೊಲೀಸರು ಆವರಗೆರೆಗೆ ಕರೆದುಕೊಂಡು ಹೋಗಿದ್ದರು. ಅಲ್ಲಿ ಪೊಲೀಸರ ಮೇಲೆಯೇ ಹಲ್ಲೆ ನಡೆಸಿದ ಆರೋಪಿ ಸಂತು, ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾನೆ. ಆಗ ಪೊಲೀಸರು ಗಾಳಿಯಲ್ಲಿ ಗುಂಡು ಹಾರಿಸಿ ಶರಣಾಗಲು ಹೇಳಿದ್ದಾರೆ. ಆತೋಪಿ ಓಡಿ ಹೋಗಲುಯತ್ನಿಸಿದಾಗ ಆತನ ಕಾಲಿಗೆ ಪೊಲೀಸರು ಗುಂಡು ಹಾರಿಸಿ ವಶಕ್ಕೆ ಪಡೆದಿದ್ದಾರೆ ಎಂದು ಎಸ್ಪಿ ಉಮಾ ಪ್ರಶಾಂತ್ ಮಾಹಿತಿ ನೀಡಿದ್ದಾರೆ.

ಆರೋಪಿ‌ ಸಂತುಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಕೊ*ಲೆ ಪ್ರಕರಣಕ್ಕೆ ಸಬಂಧಿದಿದಂತೆ 10 ಜನರನ್ನು ಬಂಧಿಸಲಾಗಿದ್ದು, ಉಳಿದವರ ಬಂಧನಕ್ಕೆ ಬಲೆ ಬೀಸಲಾಗಿದೆ.