ದಾವಣಗೆರೆ: ಜಲಸಿರಿ ನೀರಿನ ಬಿಲ್ ಆನ್ ಲೈನ್ ನಲ್ಲಿಯೂ ಪಾವತಿಸಲು ಅವಕಾಶ

ದಾವಣಗೆರೆ; ಕೆಯುಐಡಿಎಫ್‍ಸಿ ವತಿಯಿಂದ ನಗರದಲ್ಲಿ ಜಲಸಿರಿ (JALASIRI) ಯೋಜನೆಯನ್ನು ಕೈಗೊಳ್ಳಲಾಗಿದ್ದು, ಅದರಂತೆ ನೀರಿನ ಬಳಕೆಯ ಅನುಸಾರ ಬಿಲ್ಲನ್ನು ನೀಡಲಾಗುತ್ತಿದೆ. ಬಿಲ್ ಮೊತ್ತವನ್ನು ಸೇವಾ ಕೇಂದ್ರಗಳಲ್ಲಿ ಹಾಗೂ ಆನ್‍ಲೈನ್ ಮೂಲಕ ಪಾವತಿಸಬಹುದಾಗಿದೆ.

ಈಗಾಗಲೇ ಬಿಲ್ಲಿನಲ್ಲಿ ನಮೂದಿಸಿರುವ ನೀರಿನ ಶುಲ್ಕವನ್ನು ಮಹಾನಗರಪಾಲಿಕೆಯ ಆವರಣದಲ್ಲಿರುವ ಗ್ರಾಹಕರ ಸೇವಾ ಕೇಂದ್ರದಲ್ಲಿ ಅಥವಾ ನಿಟ್ಟುವಳ್ಳಿ ಉದ್ಯಾನವನದಲ್ಲಿರುವ ಗ್ರಾಹಕರ ಸೇವಾ ಕೇಂದ್ರದಲ್ಲಿ ನಗದು ರೂಪದಲ್ಲಿ ಪಾವತಿಸಬಹುದು. ಆನ್‍ಲೈನ್ ಮುಖಾಂತರ ಕೂಡ ಪಾವತಿಸಲು ಅವಕಾಶವಿದ್ದು ಜಲಸಿರಿ ಅಪ್ಲಿಕೇಷನ್ ​(JALASIRI APP) ಅಥವಾ ​www.davangere water.co.in ಜಾಲತಾಣದ ಮುಖಾಂತರವೂ ಪಾವತಿಸಬಹುದು, 24*7 ನೀರು ಸರಬರಾಜಿಗೆ ಸಂಬಂಧಿಸಿದಂತೆ ಯಾವುದೇ ತೊಂದರೆಗಳಿದ್ದಲ್ಲಿ ಗ್ರಾಹಕರ ಸೇವಾ ಕೇಂದ್ರದ ಸಂಖ್ಯೆ 9036544419 ಅನ್ನು ಸಂಪರ್ಕಿಸಲು ಪಾಲಿಕೆ ಆಯುಕ್ತೆ ರೇಣುಕಾ ತಿಳಿಸಿದ್ದಾರೆ.