ದಾವಣಗೆರೆ ಜಿಲ್ಲೆಯ 191  ಗ್ರಾಮ ಪಂಚಾಯ್ತಿಗಳಿಗೆ ಎರಡು ಹಂತದಲ್ಲಿ ಮತದಾನ; ಡಿ.30 ರಂದು ಫಲಿತಾಂಶ

ದಾವಣಗೆರೆ : ರಾಜ್ಯ ಚುನಾವಣೆ ಆಯೋಗ ರಾಜ್ಯದ 5762 ಗ್ರಾಮ ಪಂಚಾಯ್ತಿಗಳಿಗೆ ಚುನಾವಣೆ ಘೋಷಣೆಯಾಗಿದ್ದು, ಎರಡು ಹಂತಗಳಲ್ಲಿ ಚುನಾವಣೆ ನಡೆಸಲಾಗುತ್ತಿದೆ ನಡೆಯಲಿದೆ.  ದಾವಣಣಗೆರೆ ಜಿಲ್ಲೆಯ 191 ಗ್ರಾಮ ಪಂಚಾಯ್ತಿಗಳಿಗೂ ಕೂಡ  ಡಿಸೆಂಬರ್ 22ರಂದು ಮೊದಲ ಹಂತ ಹಾಗೂ ಡಿಸೆಂಬರ್ 27 ರಂದು ಎರಡನೇ ಹಂತದಲ್ಲಿ ಚುನಾವಣೆ ನಡೆಯಲಿದೆ.  ಫಲಿತಾಂಶ ಡಿ. 30ರಂದು  ಹೊರ ಬೀಳಲಿದೆ.

ದಾವಣಗೆರೆ ಜಿಲ್ಲೆಯ 191 ಗ್ರಾಮ ಪಂಚಾಯ್ತಿಗಳಿಗೆ  ಮೊದಲ ಹಂತದಲ್ಲಿ(ಡಿ.22)  ದಾವಣಗೆರೆ 38, ಹೊನ್ನಾಳಿ 29,  ಜಗಳೂರು 22 ಗ್ರಾಮ ಪಂಚಾಯ್ತಿಯ ಒಟ್ಟು 89 ಕ್ಷೇತ್ರಗಳಲ್ಲಿ ಮತದಾನ ನಡೆಯಲಿದೆ. ಎರಡನೇ ಹಂತದಲ್ಲಿ (ಡಿ.27) ಹರಿಹರ 24, ಚನ್ನಗಿರಿ 61ಹಾಗೂ ನ್ಯಾಮತಿಯ 17 ಗ್ರಾಮ ಪಂಚಾಯ್ತಿಗಳ ಒಟ್ಟ 102 ಕ್ಷೇತ್ರದಲ್ಲಿ ಮತದಾನ ನಡೆಯಲಿದೆ.

• ಮೊದಲ ಹಂತ
• ಚುನಾವಣೆಗೆ ಅಧಿಸೂಚನೆ 7-11-2020
• ನಾಮಪತ್ರ ಸಲ್ಲಿಸಲು ಕೊನೆಯ ದಿನ 11-12-2020
• ನಾಮಪತ್ರ ಪರಿಶೀಲನೆ   12-12-2020
• ನಾಮಪತ್ರ ಹಿಂತೆಗೆದುಕೊಳ್ಳುವ ದಿನ 14-12-2020
• ಮತದಾನ ದಿನ 22-12-2020
• ಅಗತ್ಯವಿದ್ದರೆ ಮರು ಮತದಾನ ದಿನ  24-12-2020
• ಫಲಿತಾಂಶ ದಿನ  30-12-2020
• ಎರಡನೇ ಹಂತ
• ಚುನಾವಣೆ ಅಧಿಸೂಚನೆ 11-11-2020
• ನಾಮಪತ್ರ ಸಲ್ಲಿಸಲು ಕೊನೆಯ ದಿನ 16-12-2020
• ನಾಮಪತ್ರ ಪರಿಶೀಲನೆ   17-12-2020
• ನಾಮಪತ್ರ ಹಿಂತೆಗೆದುಕೊಳ್ಳುವ ದಿನ 19-12-2020
• ಮತದಾನ ದಿನ 27-12-2020
• ಅಗತ್ಯವಿದ್ದರೆ ಮರು ಮತದಾನ ದಿನ  29-12-2020
• ಫಲಿತಾಂಶ ದಿನ 30-12-2020

ಚುನಾವಣೆ ಬೆಳಿಗ್ಗೆ 7 ಗಂಟೆಯಿಂದ ಮತದಾನ ಆರಂಭಗೊಂಡು, ಸಂಜೆ 5 ಗಂಟೆಯವರೆಗೆ ಮತದಾನ ನಡೆಯಲಿದೆ. ಮತದಾನದ ನಂತ್ರ ಮರು ಮತದಾನದ ಅವಶ್ಯಕತೆ ಇದ್ದಲ್ಲಿ, ಮೊದಲ ಹಂತದ ಚುನಾವಣೆಗೆ ಡಿಸೆಂಬರ್ 24, 2020ರಂದು  ಮರು ಮತದಾನ ನಡೆಯಲಿದೆ. ಎರಡನೇ ಹಂತದ ಗ್ರಾಮ ಪಂಚಾಯ್ತಿಗಳಿಗೆ ಮರು ಮತದಾನ ಡಿ.29, 2020ರಂದು ನಡೆಯಲಿದೆ. ಇದೇ ಮೊದಲ ಬಾರಿಗೆ ಬೀದರ್ ಜಿಲ್ಲೆಯಲ್ಲಿ ಎಲೆಕ್ಟ್ರಾನಿಕ್ ಮತಯಂತ್ರಗಳನ್ನು ಬಳಸಿಕೊಂಡು ಚುನಾವಣೆ ನಡೆಸಲಿದೆ. ಎರಡು ಹಂತದ ಗ್ರಾಮ ಪಂಚಾಯ್ತಿ ಚುನಾವಣೆ ಫಲಿತಾಂಶ ಡಿ. 30 ಘೋಷಣೆ ಆಗಲಿದೆ.