ದಾವಣಗೆರೆ; ಫಲಕ್ಕೆ ಬಂದಿದ್ದ ಮಾವಿನ ತೋಟಕ್ಕೆ ಬೆಂಕಿ ಇಟ್ಟ ಕಿಡಿಗೇಡಿಗಳು; ಸುಟ್ಟು ಭಸ್ಮವಾದ 4 ಎಕರೆ ತೋಟ

ದಾವಣಗೆರೆ; ಫಲಕ್ಕೆ ಬಂದಿದ್ದ ಮಾವಿನ ತೋಟಕ್ಕೆ ಕಿಡಿಗೇಡಿಗಳು ಬೆಂಕಿ ಇಟ್ಟಿದ್ದಾರೆ‌. ಇದರಿಂದ ನೋಡ ನೋಡುತ್ತಿದ್ದಂತೆ 4 ಎಕೆರೆ ಮಾವಿನ ತೋಟ ಸುಟ್ಟು ಭಸ್ಮವಾದ ಘಟನೆ ಜಿಲ್ಲೆಯ ದಾವಣಗೆರೆ ತಾಲ್ಲೂಕಿನ ಕಾಡಜ್ಜಿ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಚೌಡಪ್ಪ ಎಂಬುವರ ಮಾವಿನ ತೋಟಕ್ಕೆ ಬೆಂಕಿ ಬಿದ್ದಿದೆ. ನಿನ್ನೆ ರಾತ್ರಿ ಯಾರೋ ಕಿಡಿಗೇಡಿಗಳು ಮಾವಿನ ತೋಟಕ್ಕೆ ಬೆಂಕಿ ಇಟ್ಟಿದ್ದು, ಫಲಕ್ಕೆ ಬಂದಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ಮಾವಿನ ಮರಗಳು ಬೆಂಕಿಗೆ ಸುಟ್ಟು ಹೋಗಿವೆ. ಕಿಡಿಗೇಡಿಗಳ ಈ ಕೃತ್ಯದಿಂದ ಎಲೆ ಉದುರಿದ್ದ ತೋಟ ಧಗಧಗನೆ ಬೆಂಕಿ ಹೊತ್ತಿ‌ ಉರಿದಿದೆ. ಇದರಿಂದ ಚೌಡಪ್ಪಗೆ ಲಕ್ಷಾಂತರ ರೂಪಾಯಿ ಬೆಳೆ ಹಾನಿಯಾಗಿದೆ.