ದಾವಣಗೆರೆ: ನಕಲಿ ಬ್ಯಾಂಕ್ ಸೀಲ್ ಸೃಷ್ಠಿಸಿಕೊಂಡು ಸ್ಥಳೀಯ ಸಂಸ್ಥೆಗೆ ಪಾವತಿಸಬೇಕಾದ ಆಸ್ತಿ ತೆರಿಗೆ ಹಣ ಕಟ್ಟಿಸಿಕೊಳ್ಳುವ ವಂಚಕರಿದ್ದಾರೆ. ಹೀಗಾಗಿ ಆಸ್ತಿ ಮಾಲೀಕರು ಎಚ್ಚರಿಕೆ ವಹಿಸಬೇಕು. ತಮ್ಮ ತಮ್ಮ ಸ್ವತ್ತುಗಳಿಗೆ ಸಂಬಂಧಿಸಿದ ಆಸ್ತಿ ತೆರಿಗೆ ಹಣವನ್ನು ಖುದ್ದಾಗಿ ಆಸ್ತಿ ಮಾಲೀಕರೇ ಸ್ವತಃ ಬ್ಯಾಂಕಿಗೆ ಜಮಾ ಮಾಡಿ ಚಲನ್ ಸಂಖ್ಯೆ ನಮೂದಿಸಿದ ರಶೀದಿ ಪಡೆಯತಕ್ಕದ್ದು. ಮೂರನೇ ವ್ಯಕ್ತಿಯ ಕೈಯಲ್ಲಿ ಆಸ್ತಿ ತೆರಿಗೆ ಹಣವನ್ನು ನೀಡಿ ವಂಚನೆಗೆ ಒಳಗಾಗಬಾರದು ಎಂದು ನಗರಸಭೆಯ ಪೌರಾಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
