ದಾವಣಗೆರೆ; ತಾಲ್ಲೂಕಿನ ಅಣಜಿ ಗ್ರಾಮದ ವ್ಯಕ್ತಿ ಹರಿಹರ ಪಟ್ಟಣ ಬಳಿಯ ತುಂಗಭದ್ರಾ ನದಿಯಲ್ಲಿ ಈಜಲು ಹೋಗಿ ನೀರು ಪಾಲಾದ ಘಟನೆ ನಡೆದಿದೆ. ನಿನ್ನೆ (ಮಾ.17) ಅಣಜಿ ಗ್ರಾಮದಿಂದ ಬಂದಿದ್ದ ಚಂದ್ರಪ್ಪ ನೀರು ಪಾಲಾದ ವ್ಯಕ್ತಿಯಾಗಿದ್ದಾರೆ. ಅಣಜಿಯಿಂದ ತುಂಗಭದ್ರಾ ನದಿಯಲ್ಲಿ ಈಜಲು ಬಂದಿದ್ದರು. ಈಜಲು ಹೋದ ಚಂದ್ರಪ್ಪ ಇದುವರೆಗೂ ವಾಪಸ್ ಬಂದಿಲ್ಲ. ಹೀಗಾಗಿ ಇಂದು ಚಂದ್ರಪ್ಪ ಸಂಬಂಧಿಕರು ನದಿಯಲ್ಲಿ ಈಜುಪಟುಗಳಿಂದ ಶೋಧ ಕಾರ್ಯ ನಡೆಸಿದ್ದಾರೆ. ಈ ಬಗ್ಗೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
