ದಾವಣಗೆರೆ: ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಐವರು ಆರೋಪಿಗಳನ್ನು ಪೊಲೀಸರು ಬಂಧನ ಮಾಡಿದ್ದಾರೆ. ಈ ವೇಳೆ 3 ಲಕ್ಷ ಮೌಲ್ಯದ ಗಾಂಜಾ ವಶಕ್ಕೆ ಪಡೆಯಲಾಗಿದೆ.
ಜಿಲ್ಲೆಯಲ್ಲಿ ಅಕ್ರಮವಾಗಿ ಮಾದಕ ದ್ರವ್ಯ ಮಾರಾಟ ಹಾಗೂ ಬಳಕೆಯನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಎಸ್ಪಿ ಉಮಾ ಪ್ರಶಾಂತ್, ಪೊಲೀಸ್ ಅಧಿಕಾರಿ ಸಿಬ್ಬಂದಿಗಳನ್ನು ಒಳಗೊಂಡ ತಂಡಗಳನನ್ನು ರಚಿಸಿ ದಾವಣಗೆರೆ ಜಿಲ್ಲೆಯನ್ನು ಮಾದಕ ವ್ಯಸನಮುಕ್ತ ಜಿಲ್ಲೆಯನ್ನಾಗಿಸುವ ಕಾರ್ಯದಲ್ಲಿ ವಿಶೇಷ ಕಾರ್ಯಚರಣೆ ನಡೆಸಲು ಸೂಚನೆ ನೀಡಿದ್ದರು.
ಆಜಾದ್ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಎಸ್ ಎಸ್ ಎಂ ನಗರದ ಸ್ಟೆಡಿಯಂ ಹಿಂಭಾಗದ ರಸ್ತೆಯಲ್ಲಿ ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ಪೊಲೀಸ್ ಅಧೀಕ್ಷಕರವರ ಹಾಗೂ ಹೆಚ್ಚುವರಿ ಪೊಲೀಸ್ ಅಧಿಕ್ಷಕರು-2 ಮಂಜುನಾಥ ಮಾರ್ಗದರ್ಶದನದಲ್ಲಿ ದಾವಣಗೆರೆ ನಗರ ಡಿವೈಎಸ್ಪಿ ಶರಣ ಬಸವೇಶ್ವರ ಬಿ.ಬಿ. ನೇತೃತ್ವದಲ್ಲಿ ಆಜಾದ್ ನಗರ ಪಿಐ ಅಶ್ವಿನ್ ಕುಮಾರ ಹಾಗೂ ಅಧಿಕಾರಿ ಸಿಬ್ಬಂದಿಗಳನ್ನು ಒಳಗೊಂಡ ತಂಡವು ದಿನಾಂಕ:21-07-2025 ರಂದು ಸದರಿ ಮೇಲ್ಕಂಡ ಸ್ಥಳಕ್ಕೆ ದಾಳಿ ಮಾಡಲಾಗಿದೆ.
ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಆರೋಪಿಗಳಾದ 1) ಮೆಹಬೂಬ್ ಬೀ (69) ಗೃಹಿಣಿ, ವಾಸ: ಆಜಾದ್ ನಗರ ಹಾಲಿ ವಾಸ: ಯಲ್ಲಮ್ಮ ನಗರ ದಾವಣಗೆರೆ. 2) ಮೊಹಮ್ಮದ್ ಹನೀಪ್( 52) ಸೋಡಾ ವ್ಯಾಪಾರ ವಾಸ: ಅಹಮ್ಮದ್ ನಗರ ದಾವಣಗೆರೆ. 3) ಸೈಯದ್ ಸಾದತ್ ಅಬ್ರಾರ್ (35), ಮಂಡಕ್ಕಿ ಭಟ್ಟಿಯಲ್ಲಿ ಕೆಲಸ ವಾಸ: ಹಳೇ ಬೇತೂರು ರಸ್ತೆ ದಾವಣಗೆರೆ, 4) ಸೈಯದ್ ಇಮ್ರಾನ್ (22), ಟೈಲ್ಸ್ ಕೆಲಸ, ವಾಸ: ರಜಾವುಲ್ಲಾ ಮುಸ್ತಫ ನಗರ, ದಾವಣಗೆರೆ. 5) ಪ್ರಶಾಂತ್ (20), ಕೊರಚರಹಟ್ಟಿ, ದಾವಣಗೆರೆ ಇವರನ್ನು ಬಂಧನ ಮಾಡಲಾಟಗಿದೆ.
ಆರೋಪಿತರಿಂದ 1250 ಗ್ರಾಂ ಗಾಂಜಾ ಸೊಪ್ಪು (ಅಂದಾಜು ಬೆಲೆ 3,00,000/-) ಕೆಎ-17-ಇಪಿ-5133 ನೇ ಟಿವಿಎಸ್ ಎಕ್ಸೆಲ್ (ಅಂದಾಜು ಬೆಲೆ-15 ಸಾವಿರ) ವಶಪಡಿಸಿಕೊಂಡು ಪ್ರಕರಣವನ್ನು ದಾಖಲಿಸಿರುತ್ತದೆ. ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಪ್ರಕರಣದಲ್ಲಿ ಕಾರ್ಯಾಚರಣೆ ನಡೆಸಿದ ತಂಡಕ್ಕೆ ಎಸ್ಪಿ ಉಮಾ ಪ್ರಶಾಂತ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
