ದಾವಣಗೆರೆ: ಹೊಸ ವರ್ಷಾಚರಣೆ ವೇಳೆ ಗಲಾಟೆ; ಬಾಲಕಿ ಮೇಲೆ ಯುವಕರ ತಂಡ ಹಲ್ಲೆ- ಇಬ್ಬರ ಬಂಧನ

ದಾವಣಗೆರೆ: ಹೊರ ವಲಯದ ರಾಷ್ಟ್ರೀಯ ಹೆದ್ದಾರಿಯ ಬಳಿಯ ಹೋಟೆಲ್‌ ವೊಂದರಲ್ಲಿ ಹೊಸ ವರ್ಷಾಚರಣೆ ಸಂಭ್ರಮ ವೇಳೆ ಗಲಾಟೆ ನಡೆದಿದ್ದು, ಬಾಲಕಿ ಹಾಗೂ ಸಂಬಂಧಿ ಮೇಲೆ ಯುವಕರ ತಂಡವು ಹಲ್ಲೆ ಮಾಡಿದೆ.

ಡಿಸ್ಟ್ರಿಕ್ಟ್-17 ಹೋಟೆಲ್‌ನಲ್ಲಿ ಊಟ ಮಾಡುತ್ತಿದ್ದ ಸಮಯದಲ್ಲಿ ಯುವಕರ ತಂಡ ಫೋಟೊ ತೆಗೆದು ಬಾಲಕಿಯನ್ನು ನಿಂದಿಸಿದರು. ಬಾಲಕಿಯ ಕುಟುಂಬದರು ಪ್ರಶ್ನಿಸಿದಾಗ ಗಲಾಟೆ ಶುರುವಾಗಿದೆ. ಈ ವೇಳೆ ಯುವತಿ ಮೇಲೆ ಹಲ್ಲೆ ನಡೆದಿದೆ. ಯುವತಿಯನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಶಿವಮೊಗ್ಗ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಸಂಬಂಧ ಇಬ್ಬರನ್ನು ಬಂಧಿಸಲಾಗಿದೆ. ಬಾಲಕಿಯ ಅಕ್ಕ ನೀಡಿದ ದೂರಿನನ್ವಯ ಮಹಿಳಾ ಠಾಣೆಯಲ್ಲಿ ಪೋಕ್ಸೊ ಪ್ರಕರಣ ದಾಖಲಾಗಿದೆ.