ಕಾಂಗ್ರೆಸ್ ನಾಲ್ಕನೇ ಪಟ್ಟಿ ಪ್ರಕಟ; ಹರಿಹರ ಹಾಲಿ ಶಾಸಕ ಎಸ್. ರಾಮಪ್ಪಗೆ ಟಿಕೆಟ್ ಮಿಸ್; ಯುವ ನಾಯಕನಿಗೆ ಅವಕಾಶ

ಬೆಂಗಳೂರು:ಕರ್ನಾಟಕ ವಿಧಾನಸಭಾ ಚುನಾವಣೆಗೆ ಕಾಂಗ್ರೆಸ್ ಬಾಕಿಯಿರುವ ಹದಿನೈದು ಕ್ಷೇತ್ರಗಳ ಪೈಕಿ ಇಂದು ಏಳು ಕ್ಷೇತ್ರಗಳಿಗೆ ಟಿಕೆಟ್ ಘೋಷಣೆ ಮಾಡಿದೆ. ದಾವಣಗೆರೆ ಜಿಲ್ಲೆಯ ಹರಿಹರ ಕ್ಷೇತ್ರದ ಹಾಲಿ ಶಾಸಕ ಎಸ್. ರಾಮಪ್ಪಗೆ ಈ‌ ಬಾರಿ ಟಿಕೆಟ್‌‌ ಸಿಕ್ಕಿಲ್ಲ. ಹೊಸ ಮುಖ ನಂದಾಗವಿ ಶ್ರೀನಿವಾಸ್ ಈ ಸಲ ಅವಕಾಶ ಕಲ್ಪಿಸಲಾಗಿದೆ.

ನಾಮಪತ್ರ ಸಲ್ಲಿಕೆಗೆ ಕೇವಲ ಇನ್ನು ಎರಡು ದಿನಗಳು ಮಾತ್ರ ಉಳಿದಿದ್ದು ಶೀಘ್ರದಲ್ಲಿ ಉಳಿದ ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆಯಾಬೇಕಿದೆ. ಇಂದು ಬಿಡುಗಡೆಯಾದ ಪಟ್ಟಿ ವಿವರ ಈ ರೀತಿ ಇದೆ.

• ಲಿಂಗಸೂಗೂರು – ದುರ್ಗಪ್ಪ ಎಸ್​​. ಹೂಲಗೇರಿ
• ಹುಬ್ಬಳ್ಳಿ ಧಾರವಾಡ ಕೇಂದ್ರ – ಜಗದೀಶ್​ ಶೆಟ್ಟರ್​
• ಹುಬ್ಬಳ್ಳಿ ಧಾರವಾಡ ಪಶ್ಚಿಮ- ದೀಪಕ್​ ಚಿಂಚೋರೆ
• ಶಿಗ್ಗಾಂವಿ- ಮೊಹಮ್ಮದ್ ಯೂಸುಫ್ ಸವಣೂರು
• ಹರಿಹರ – ನಂದಾಗವಿ ಶ್ರೀನಿವಾಸ್
• ಚಿಕ್ಕಮಗಳೂರು – ಹೆಚ್ ಡಿ. ತಮ್ಮಯ್ಯ
• ಶ್ರವಣಬೆಳಗೊಳ- ಎಂ. ಎ.ಗೋಪಾಲಸ್ವಾಮಿ