ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಧಾರಣೆ ಕಳೆದ ಒಂದು ವಾರದಿಂದ ಸ್ಥಿರ ಬೆಲೆ ಕಾಯ್ದುಕೊಂಡು ಬಂದಿದೆ. ಇಂದು ಸಹ ಅಡಿಕೆ ಬೆಲೆಯಲ್ಲಿ ಮತ್ತೆ ಏರಿಕೆ ಕಂಡಿದ್ದು, ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಬೆಲೆ 50 ಸಾವಿರ ಗಡಿ ತಲುಪಿದೆ. ಮಾರ್ಚ್ ಅಂತ್ಯದಲ್ಲಿ 45 ಸಾವಿರಕ್ಕೆ ಕುಸಿದಿದ್ದ ದರ, ಏಪ್ರಿಲ್ ಆರಂಭದಲ್ಲಿ ಸ್ವಲ್ಪ ಚೇತರಿಕೆ ಕಂಡು ಏರಿಕೆಯತ್ತ ಮುಖ ಮಾಡಿತ್ತು. ಇದೀಗ 50 ಸಾವಿರ ಗಡಿ ತಲುಪಿದೆ. ಇಂದು (ಮೇ 08) ಉತ್ತಮ ರಾಶಿ ಅಡಿಕೆ ಗರಿಷ್ಠ ಬೆಲೆ 49,659 ರೂ.ಗೆ ಮಾರಾಟವಾಗಿದೆ.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ಅಡಿಕೆ ವಹಿವಾಟಿನಲ್ಲಿ ಮೇ 08 ರಂದು ಪ್ರತಿ ಕ್ವಿಂಟಾಲ್ ರಾಶಿ ಅಡಿಕೆ ಕನಿಷ್ಠ ಬೆಲೆ 47,549 ಗರಿಷ್ಠ ಬೆಲೆ 49,659 ಹಾಗೂ ಸರಾಸರಿ ಬೆಲೆ 48,840 ರೂ. ಆಗಿದೆ. ಇದೇ ವೇಳೆ ಬೆಟ್ಟೆ ಅಡಿಕೆ ಗರಿಷ್ಠ 35,000 ರೂ.ಗೆ ಮಾರಾಟವಾಗಿದೆ.
