ದಾವಣಗೆರೆ: ಅಡಿಕೆ ಬೆಲೆಯಲ್ಲಿ‌ ಮತ್ತೆ ಕುಸಿತ; ಎರಡೇ ದಿನದಲ್ಲಿ‌ 2,000 ರೂ. ಇಳಿಕೆ

ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆ ಕುಸಿತದ ಹಾದಿ ಹಿಡಿದಿದೆ. ಒಂದು ತಿಂಗಳಿಂದ ಸತತ ಏರುಗತಿಯಲ್ಲಿದ್ದ ಅಡಿಕೆ ಬೆಲೆ, ಇದೀಗ ಇಳಿಕೆಯಾಗುತ್ತಿದೆ. ಇಂದು( ಆ.4) ಜಿಲ್ಲೆಯಲ್ಲಿ ರಾಶಿ ಅಡಿಕೆ 54,609 ರೂ. ಮಾರಾಟವಾಗಿದೆ. ಹಿಂದಿನ ಎರಡು ದಿನದ ಹಿಂದೆ 56,612ದರಕ್ಕೆ ಮಾರಾಟವಾಗಿತ್ತು. ಈ ಮೂಲಕ ಎರಡೇ ದಿನದಲ್ಲಿ 2,000 ರೂ. ಇಳಿಕೆ ಕಂಡಿದೆ.

ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ 57 ಸಾವಿರ ಗಡಿ ದಾಟಿತ್ತು. ಇದೀಗ ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಾಣುತ್ತಿದೆ. ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಆ.04 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 44,599 ಗರಿಷ್ಠ ಬೆಲೆ 54,609 ಹಾಗೂ ಸರಾಸರಿ ಬೆಲೆ 13,180 ರೂ.ಗೆ ಮಾರಾಟವಾಗಿದೆ.