ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಧಾರಣೆಯಲ್ಲಿ (ಜೂ.26) ಸ್ವಲ್ಪ ಇಳಿಕೆಯಾಗಿದೆ. ಅಡಿಕೆಗೆ ಕಳೆದ 25 ದಿನದಿಂದ ಜಾಕ್ ಪಾಟ್ ಬೆಲೆ ಬಂದಿತ್ತು. ಇದೀಗ 25 ದಿನದ ನಂತರ ಕೊಂಚಮಟ್ಟಿಗೆ ಇಳಿಕೆ ಕಂಡಿದೆ. ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಇದೀಗ 55 ಸಾವಿರ ಗಡಿ ತಲುಪಿ, ಸ್ವಲ್ಪ ಇಳಿಕೆ ಕಂಡಿದೆ.
ಜೂನ್ 26ರಂದು ಉತ್ತಮ ರಾಶಿ ಅಡಿಕೆ ಗರಿಷ್ಠ ಬೆಲೆ 53,399 ರೂ.ಗೆ ಮಾರಾಟವಾಗಿದೆ. ಹಿಂದಿನ ದಿನದ ಮಾರುಕಟ್ಟೆಗೆ ಹೋಲಿಸಿದರೆ 700 ರೂ ಇಳಿಕೆಯಾಗಿದೆ. ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ಅಡಿಕೆ ವಹಿವಾಟಿನಲ್ಲಿ ಜೂನ್ 26ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 49,519 ಗರಿಷ್ಠ ಬೆಲೆ 53,399 ಹಾಗೂ ಸರಾಸರಿ ಬೆಲೆ 51,725 ರೂ. ಆಗಿದೆ. ಬೆಟ್ಟೆ ಅಡಿಕೆ ಗರಿಷ್ಠ40,100ರೂ.ಗೆ ಮಾರಾಟವಾಗಿದೆ.
