ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ಮತ್ತೆ ಏರಿಕೆ ಕಂಡಿದೆ. ಕಳೆದ 10 ದಿನದಿಂದ ಇಳಿಕೆಯಲ್ಲಿದ್ದ ಇಂದು (ಸೆ.27 ) ರಾಶಿ ಅಡಿಕೆ 2,800 ರೂ. ಏರಿಕೆ ಕಂಡಿದೆ. 46,071 ರೂ.ಗಳಿಂದ 48,821 ರೂ.ಗೆ ಏರಿಕೆ ಕಂಡಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ತಲುಪಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡು, 48 ಸಾವಿರ ತಲುಪಿತ್ತು. ಸೆಪ್ಟೆಂಬರ್ 15 ರಿಂದ ಸತತ ಕುಸಿತದಲ್ಲಿದ್ದು, ಇದೀಗ ಮತ್ತೆ 2,800 ರೂ. ಏರಿಕೆ ಕಂಡಿದೆ.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಸೆ.27ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 40,059, ಗರಿಷ್ಠ ಬೆಲೆ 48,821 ಹಾಗೂ ಸರಾಸರಿ ಬೆಲೆ 44,440 ರೂ.ಗೆ ಮಾರಾಟವಾಗಿದೆ.
