ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ಭಾರೀ ಇಳಿಕೆಯಾಗುದೆ. ಕಳೆದ 15 ದಿನದಿಂದ ಅಡಿಕೆ ಬೆಲೆಯಲ್ಲಿ ಇಳಿಕೆ ಕಾಣುತ್ತಿದೆ. ಇಂದು (ಆ.11) ಜಿಲ್ಲೆಯ ರಾಶಿ ಅಡಿಕೆ ಗರಿಷ್ಠ 52,012ರೂ. ಮಾರಾಟವಾಗಿದೆ. ಹಿಂದಿನ ದಿನ 54,500 ಮಾರಾಟವಾಗಿತ್ತು. ಇದರಿಂದ ಒಂದೇ ದಿನ 2500ರೂ.ಗಳಷ್ಟು ಇಳಿಲೆ ಕಂಡಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ಗಡಿ ದಾಟಿತ್ತು. ಇದೀಗ ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡಿದೆ. ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಆ.11 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 42,810, ಗರಿಷ್ಠ ಬೆಲೆ 52,012 ಹಾಗೂ ಸರಾಸರಿ ಬೆಲೆ 49,627ರೂ.ಗೆ ಮಾರಾಟವಾಗಿದೆ.
