ದಾವಣಗೆರೆ: ಜಿಲ್ಲೆಯ ರೈತರ ಮುಖ್ಯ ವಾಣಿಜ್ಯ ಬೆಳೆಯಾದ ಅಡಿಕೆ ದರ (arecanut rate) ಬೆಲೆ ಮತ್ತಷ್ಟು ಕುಸಿತ ಕಂಡಿದೆ. ಕಳೆದ ಒಂದು ತಿಂಗಳಿಂದ ಬೆಲೆ ಏರುತ್ತಲೇ ಇಲ್ಲ. ಒಂದೆಡೆ ತೀವ್ರ ಬೇಸಿಗೆಯಿಂದ ಅಡಿಕೆ ಬೆಳೆ ಇನ್ನೂ ಕೂಡ ಚೇತರಿಕೆ ಕಂಡಿಲ್ಲ. ಮುಂಗಾರು ಮಳೆ ಸಹ ಕುಸಿತ ಕಂಡಿದೆ. ಇದರ ಮಧ್ಯೆ ಅಡಿಕೆ ದರ ಸಹ ದಿನದಿಂದ ದಿನಕ್ಕೆ ಕುಸಿತ ಕಾಣುತ್ತಲೇ ಇದೆ. ಇದರಿಂದ ರೈತರಿಗೆ ಆತಂಕ ಶುರುವಾಗಿದೆ. ಕೊಯ್ಲು ಪ್ರಾರಂಭವಾಗುವ ಮುನ್ನವೇ ದರ ಕುಸಿದಿದ್ದು, ಕೊಯ್ಲು ಆರಂಭವಾಗುವ ವೇಳೆಗೆ ಇನ್ನೆಷ್ಟು ಕುಸಿಯುತ್ತದೆಯೋ ಗೊತ್ತಿಲ್ಲ.
ಜೂನ್ ಮೊದಲ ವಾರದಲ್ಲಿ ಜಿಲ್ಲೆಯಲ್ಲಿ ಉತ್ತಮ ಮಳೆ ಮುನ್ಸೂನೆ ನೀಡಿತ್ತು. ಆದರೆ, ಈಗ ಕಳೆದ 10 ದಿನದಿಂದ ಮಳೆಯಾಗಿಲ್ಲ. ಇದರಿಂದ ತಾಪಮಾನ ಸಹ ಹೆಚ್ಚಿದೆ. ಮುಂಗಾರಿನಲ್ಲಿಯೇ ಈ ರೀತಿಯಾದ್ರೆ ,ಈ ವರ್ಷದ ಫಸಲು ಕುಸಿತದ ಆತಂಕದಲ್ಲಿ ರೈತರಿದ್ದಾರೆ. ಇಂದಿನ (ಜೂ.17) ಉತ್ತಮ ರಾಶಿ ಅಡಿಕೆ ದರ ಕ್ವಿಂಟಲ್ ಗೆ 53,969ರೂ. ಇದೆ.
ಜೂ.17ರ ಚನ್ನಗಿರಿ ಅಡಿಕೆ ಧಾರಣೆ (ಪ್ರತಿ ಕ್ವಿಂಟಲ್ ದರ)
- ಗರಿಷ್ಠ ಬೆಲೆ 53,969 ರೂ.
- ಕನಿಷ್ಠ ಬೆಲೆ 40,200 ರೂ.
- ಸರಾಸರಿ ಬೆಲೆ 51,916 ರೂ.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ (Channagiri) ವಹಿವಾಟಿನಲ್ಲಿ ಜೂ.17ರಂದು ಉತ್ತಮ ರಾಶಿ ಅಡಿಕೆ ಗರಿಷ್ಠ ಬೆಲೆ ಕ್ವಿಂಟಲ್ ಗೆ 53,969 ರೂ ರೂ. ಇದ್ದು, ಕನಿಷ್ಠ ಬೆಲೆ 40,200 ರೂ., ಸರಾಸರಿ ಬೆಲೆ 51,916 ರೂ.ಇದೆ. ಜಿಲ್ಲೆಯ ಚನ್ನಗಿರಿ, ಹೊನ್ನಾಳಿ, ದಾವಣಗೆರೆ, ಹರಿಹರ, ಜಗಳೂರು ತಾಲ್ಲೂಕಿನಲ್ಲಿ ಅಡಿಕೆ ಮುಖ್ಯ ಬೆಳೆಯಾಗಿದೆ. ರೈತರು, ವ್ಯಾಪಾರಿಗಳು ರಾಶಿ ಅಡಿಕೆ ಸಂಗ್ರಹ ಮಾಡಿಕೊಂಡಿದ್ದು, ದರ ಏರಿಕೆಗೆ ಕಾಯುತ್ತಿದ್ದಾರೆ.
ನಾಲ್ಕು ವರ್ಷಗಳ ಗರಿಷ್ಠ ದರ ಪಟ್ಟಿ
2023 ಜುಲೈ ತಿಂಗಳಲ್ಲಿ ಗರಿಷ್ಠ ಬೆಲೆ 57 ಸಾವಿರ
2024 ಮೇ ತಿಂಗಳಲ್ಲಿ ಗರಿಷ್ಠ ದರ 55 ಸಾವಿರ
2025 ಅಕ್ಟೋಬರ್ ನಲ್ಲಿ ಗರಿಷ್ಠ ದರ 68,349 ರೂ.
2026 ಜನವರಿ ಗರಿಷ್ಠ ದರ ರೂ.59,299
2026 ಜನವರಿ ಕ್ವಿಂಟಲ್ ಅಡಿಕೆ ದರ 59,299 ರೂ. ಇತ್ತು. ಫೆಬ್ರವರಿ 56,119,ರೂ.ಗೆ ಏಕಾಏಕಿ ಕುಸಿತ ಕಂಡಿದ್ದು, ಮಾರ್ಚ್ 55,500 ರೂ.ಗೆ ಮತ್ತಷ್ಟು ಇಳಿಕೆ ಕಂಡಿತ್ತು. ಈಗ ಏಪ್ರಿಲ್ ನಲ್ಲಿ 55,799 ರೂ. ಇತ್ತು. ಈಗ ಮೇ ಮೊದಲ ವಾರ 56 ಸಾವಿರವಿದ್ದ ದರವಿತ್ತು. ಮೇ ಕೊನೆಯಲ್ಲಿ 53 ಸಾವಿರಕ್ಕೆ ಇಳಿದಿತ್ತು. ಇದೀಗ ಜೂನ್ ನಲ್ಲಿ 53 ಸಾವಿರ ಇದೆ.
