ಬೆಂಗಳೂರು: ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟವಾಗಿದ್ದು, ರಾಜ್ಯದಲ್ಲಿ ಶೇ.86.48 ರಷ್ಟು ಫಲಿತಾಂಶ ಬಂದಿದೆ. ವಾಣಿಜ್ಯ ವಿಭಾಗದಲ್ಲಿ ಅದಿತಿ ಬಾಪು, ದಿಶಾ – 600ಕ್ಕೆ 600 ಅಂಕ ಪಡೆದು ರಾಜ್ಯಕ್ಕೆ ಟಾಪರ್ ಆಗಿದ್ದಾರೆ.
ಪಿಯುಸಿ ಟಾಪರ್ ವಿವರ
ವಾಣಿಜ್ಯ ವಿಭಾಗ
- ಅದಿತಿ ಬಾಪು – 600ಕ್ಕೆ 600 ಅಂಕ
ಜೈನ್ ಕಾಲೇಜ್, ಬೆಂಗಳೂರು - ದಿಶಾ – 600ಕ್ಕೆ 600 ಅಂಕ
ಆಳ್ವಾಸ್ ಕಾಲೇಜ್, ಮೂಡಬಿದ್ರೆ
ವಿಜ್ಞಾನ ವಿಭಾಗ
- ಪ್ರಿನ್ಸಿಲಾ ಕಾರ್ಡೋಜಾ – 600ಕ್ಕೆ 599 ಅಂಕ
ಲರ್ನಿಂಗ್ ಸೆಂಟರ್ ಕಾಲೇಜ್,ಮಂಗಳೂರು
ಕಲಾ ವಿಭಾಗ
- ಸಂಗೀತಾ – 600ಕ್ಕೆ 598 ಅಂಕ
ಇಂದು ಪಿಯು ಕಾಲೇಜ್, ಕೊಟ್ಟೂರು (ವಿಜಯನಗರ) - ಅರ್ಚನಾ – 600ಕ್ಕೆ 598 ಅಂಕ
ಇಂದು ಪಿಯು ಕಾಲೇಜ್, ಕೊಟ್ಟೂರು (ವಿಜಯನಗರ)
ಈ ಬಗ್ಗೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಸುದ್ದಿಗೋಷ್ಠಿಯಲ್ಲಿ ವಿವರಿಸಿದರು. ಉತ್ತೀರ್ಣ ಅಂಕವನ್ನು ಶೇ.35ರಿಂದ ಶೇ.33ಕ್ಕೆ ನಿಗದಿ ಮಾಡಿರುವ ಕಾರಣ ಹೆಚ್ಚಿನ ವಿದ್ಯಾರ್ಥಿಗಳು ಪಾಸಾಗಿದ್ದು, ಕಳೆದ ವರ್ಷಕ್ಕಿಂತ ಈ ಬಾರಿ ಶೇ.13 ರಷ್ಟು ಏರಿಕೆಯಾಗಿದೆ.
ಕಳೆದ ವರ್ಷ 7.7% ಫಲಿತಾಂಶ ಕಡಿಮೆ ದಾಖಲಾಗಿತ್ತು. 6 ಲಕ್ಷದ 32 ಸಾವಿರದ 200 ಪೈಕಿ 5 ಲಕ್ಷದ 46 ಸಾವಿರದ 698 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ಕಲಾ ವಿಭಾಗದಲ್ಲಿ ಶೇ.72.86, ವಾಣಿಜ್ಯ ವಿಭಾಗದಲ್ಲಿ ಶೇ.88.04 ಹಾಗೂ ವಿಜ್ಞಾನ ವಿಭಾಗದಲ್ಲಿ ಶೇ.86.48 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ಬಾಲಕರು 2,32,928 (83.65%) ಹಾಗೂ ಬಾಲಕಿಯರು 3,13,770 (88.07%) ಉತ್ತೀರ್ಣ ಆಗಿದ್ದಾರೆ.
ಶೇ.96.39 ಫಲಿತಾಂಶದೊಂದಿಗೆ ಉಡುಪಿ ಪ್ರಥಮವಾಗಿದ್ದರೆ 71.21% ಫಲಿತಾಂಶದೊಂದಿಗೆ ಯಾದಗಿರಿ ಕೊನೇ ಸ್ಥಾನದಲ್ಲಿದೆ. ನಗರ ಪ್ರದೇಶದಲ್ಲಿ 85.95% ರಿಸಲ್ಟ್ ಬಂದಿದ್ದರೆ ಗ್ರಾಮೀಣ ಭಾಗದಲ್ಲಿ 87.62% ರಿಸಲ್ಟ್ ದಾಖಲಾಗಿದೆ. ಡಿಸ್ಟಿಂಕ್ಷನ್ 1.70 ಲಕ್ಷ, ಪ್ರಥಮ ದರ್ಜೆ 2.95 ಲಕ್ಷ, ದ್ವಿತೀಯ ದರ್ಜೆ 63,957 ಹಾಗೂ ಜಸ್ಟ್ ಪಾಸಾದವರು 16,827 ವಿದ್ಯಾರ್ಥಿಗಳು. 5,577 ಮಕ್ಕಳು ಶೇ.33ರ ಪಾಸಿಂಗ್ ಮಾರ್ಕ್ಸ್ನಿಂದ ಪಾಸಾಗಿದ್ದಾರೆ ಎಂದು ತಿಳಿಸಿದರು.
