ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ದರ (arecanut rate) ಮತ್ತಷ್ಟು ಚೇತರಿಕೆ ಕಂಡಿದೆ. ಕಳೆದ ಅಕ್ಟೋಬರ್ ಆರಂಭದಿಂದಲೂ ಸತತ ಏರಿಕೆ ಕಾಣುತ್ತಿದ್ದ ಬೆಲೆ ಅ.20ರಿಂದ ಕುಸಿತ ಕಾಣುತ್ತಿತ್ತು. ಇದೀಗ ಸತತ ಮೂರ್ನಾಲ್ಕು ದಿನದಿಂದ ಚೇತರಿಕೆ ಕಂಡಿದ್ದು, ಇಂದು (ನ.12) ಉತ್ತಮ ರಾಶಿ ಅಡಿಕೆ ದರ ಕ್ಚಿಂಟಲ್ ಗೆ 59 ಸಾವಿರ ಗಡಿದಾಟಿದೆ.
ಹಸಿ ಅಡಿಕೆ ದರ 7,300
ಪ್ರತಿ ವರ್ಷ ಅಡಿಕೆ ಕೊಯ್ಲು ಬಂದ ತಕ್ಷಣ ದರ ಇಳಿಕೆ ಆಗುತ್ತಿತ್ತು. ಆದರೆ, ಈ ವರ್ಷ ಕೊಯ್ಲು ಬಂದಾಗಿನಿಂದಲೂ ಭಾರಿ ವೇಗದಲ್ಲಿ ಏರಿಕೆ ಕಂಡಿತ್ತು. ಹಸಿ ಅಡಿಕೆ ದರ ಸಹ ದಾವಣಗೆರೆಯಲ್ಲಿ ಏರಿದೆ. ನವೆಂಬರ್ ಮೊದಲ ವಾರ ಹಸಿ, ಒಣ ಎರಡೂ ದರ ಇಳಿಕೆ ಕಂಡಿತ್ತು. ಈಗ ಮೂರ್ನಾಲ್ಕು ದಿನದಿಂದ ಹಸಿ, ಒಣ ಅಡಿಕೆ ದರ ಚೇತರಿಕೆ ಕಂಡಿದೆ. ಹಸಿ ಅಡಿಕೆ ದರ ಕ್ವಿಂಟಲ್ ಗೆ 7,300 ರೂ.ಗೆ ಮಾರಾಟವಾಗಿದೆ.
ನ.12ರ ಚನ್ನಗಿರಿ ಅಡಿಕೆ ಧಾರಣೆ (ಪ್ರತಿ ಕ್ವಿಂಟಲ್ ದರ)
- ಗರಿಷ್ಠ ಬೆಲೆ 59,331
- ಕನಿಷ್ಠ ಬೆಲೆ 56,699
- ಸರಾಸರಿ ಬೆಲೆ 58,530
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ (Channagiri) ವಹಿವಾಟಿನಲ್ಲಿ ಇಂದು (ನ.12) ರಾಶಿ ಅಡಿಕೆ ಗರಿಷ್ಠ ಬೆಲೆ ಕ್ವಿಂಟಲ್ ಗೆ 59,331ರೂ. ಇದ್ದು, ಕನಿಷ್ಠ ಬೆಲೆ 56,699 ರೂ., ಸರಾಸರಿ ಬೆಲೆ 58,530 ರೂ.ಇದೆ. ಜಿಲ್ಲೆಯ ಚನ್ನಗಿರಿ, ಹೊನ್ನಾಳಿ, ದಾವಣಗೆರೆ, ಹರಿಹರ, ಜಗಳೂರು ತಾಲ್ಲೂಕಿನಲ್ಲಿ ಅಡಿಕೆ ಮುಖ್ಯ ಬೆಳೆಯಾಗಿದೆ. ಜಿಲ್ಲೆಯಲ್ಲಿ ಉತ್ತಮ ಮಳೆಯಾಗಿದ್ದು, ಅತೀ ಹೆಚ್ಚು ಮಳೆಯಾಗಿದ್ದರಿಂದ ಅಡಿಕೆ ಇಳುವರಿ ಸ್ವಲ್ಪ ಕುಸಿತ ಕಂಡಿದೆ. ಕೊಯ್ಲು ಬರದಿಂದ ಸಾಗಿದೆ.
ಕಳೆದ ಮೂರು ವರ್ಷದ ಗರಿಷ್ಠ ದರ ವಿವರ
- 2023 ಜುಲೈ ತಿಂಗಳಲ್ಲಿ ಗರಿಷ್ಠ ಬೆಲೆ 57 ಸಾವಿರ
- 2024 ಮೇ ತಿಂಗಳಲ್ಲಿ ಗರಿಷ್ಠ ದರ 55 ಸಾವಿರ
- 2025 ಅಕ್ಟೋಬರ್ ನಲ್ಲಿ ಗರಿಷ್ಠ ದರ 68,349 ರೂ.
2025ರ ಜನವರಿ ಕೊನೆಯಲ್ಲಿ 52 ಸಾವಿರ ಒಳಗೆ ಇದ್ದ ದರ, ಫೆಬ್ರವರಿಯಲ್ಲಿ ಮತ್ತೆ 53 ಸಾವಿರ ಗಡಿದಾಟಿತ್ತು. ಮಾರ್ಚ್ ಮೊದಲ ವಾರದಲ್ಲಿ ಸ್ವಲ್ಪ ಇಳಿಕೆಯಾಗಿದ್ದು, ತಿಂಗಳ ಕೊನೆಯಲ್ಲಿ ಮತ್ತೆ 53 ಸಾವಿರ ಗಡಿ ಮುಟ್ಟಿತ್ತು. ಮೇ ತಿಂಗಳಲ್ಲಿ 59,512 ರೂ.ಗೆ ಇಳಿದಿದ್ದು, ಜೂನ್ ಆರಂಭದಲ್ಲಿ 59,000 ರೂ. ಇದ್ದು ಕೊನೆಯಲ್ಲಿ 56,599 ರೂ. ಗೆ ಇಳಿಕೆಯಾಗಿತ್ತು. ಜುಲೈ ಮೊದಲ ವಾರ ಚೇತರಿಕೆ ಕಂಡು ಈಗ 58,099 ರೂ. ಆಗಿತ್ತು. ಆಗಸ್ಟ್ ಆರಂಭದಲ್ಲಿ ಸತತ ಏರಿಕೆ ಕಂಡು ಕ್ವಿಂಟಲ್ ಗೆ 60,500ರೂ. ತಲುಪಿತ್ತು. ಈಗ ಸೆಪ್ಟೆಂಬರ್ ನಲ್ಲಿ 62,889 ರೂ. ಇತ್ತು. ಅಕ್ಟೋಬರ್ ತಿಂಗಳಲ್ಲಿ ಈ ವರ್ಷದಲ್ಲಿಯೇ ಗರಿಷ್ಠ ಬೆಲೆ 68, 349 ರೂ. ಇತ್ತು. ನವೆಂಬರ್ ನಲ್ಲಿ 59,331 ರೂ.ಗೆ ಇದೆ.
