ಪ್ರಮುಖ ಸುದ್ದಿ
ನಿಮ್ಹಾನ್ಸ್‌ ನಲ್ಲಿ 161 ನರ್ಸಿಂಗ್ ಹುದ್ದೆ ಭರ್ತಿಗೆ ಅರ್ಜಿ ಆಹ್ವಾನ; ವೇತನ 46 ಸಾವಿರ..!
ಬೆಂಗಳೂರು; ಬೆಂಗಳೂರಿನ ನಿಮ್ಹಾನ್ಸ್‌ನಲ್ಲಿ (NIMHANS) ಖಾಲಿ ಇರುವ 161 ನರ್ಸಿಂಗ್ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್‌ ಮೂಲಕ ನವೆಂಬರ್‌ 18ರೊಳಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಈ ಬಗ್ಗೆ ಮಾಹಿತಿಗೆ ವೆಬ್‌ಸೈಟ್‌ https://www.nimhans.ac.in ಭೇಟಿ ನೀಡಿ ಪರಿಶೀಲಿಸಬಹುದಾಗಿದೆ.
ಅಭ್ಯರ್ಥಿಗಳು ಬಿಎಸ್‌ಸಿ ನರ್ಸಿಂಗ್/ ಪೋಸ್ಟ್‌ ಬೇಸಿಕ್‌ ನರ್ಸಿಂಗ್ ಅಥವಾ ತತ್ಸಮಾನ ಕೋರ್ಸ್‌ ಮಾಡಿರಬೇಕು. ಅಲ್ಲದೆ ನರ್ಸ್‌ ಅಂಡ್ ಮಿಡ್‌ವೈಫ್‌ ಇನ್‌ ಸ್ಟೇಟ್‌/ ಇಂಡಿಯನ್‌ ನರ್ಸಿಂಗ್ ಕೌನ್ಸಿಲ್‌ (Nurses & Midwife in State/Indian Nursing Council)ನಲ್ಲಿ ಕಡ್ಡಾಯವಾಗಿ ಹೆಸರು ನೋಂದಾಯಿಸಿರಬೇಕು.
50 ಅಥವಾ ಅದಕ್ಕಿಂತ ಹೆಚ್ಚಿನ ಬೆಡ್‌ ಉಳ್ಳ ಆಸ್ಪತ್ರೆ/ ಇನ್‌ಸ್ಟಿಟ್ಯೂಟ್‌ನಲ್ಲಿ 2 ವರ್ಷಗಳ ಕಾಲ ಕೆಲಸ ನಿರ್ವಹಿಸಿದ ಅನುಭವ ಇರಬೇಕು. ಯುಆರ್‌-70, ಒಬಿಸಿ-39, ಇಡಬ್ಲ್ಯುಎಸ್‌-16, ಎಸ್‌ಸಿ-26, ಎಸ್‌ಟಿ-10 ಹುದ್ದೆ ಮೀಸಲಿಡಲಾಗಿದೆ.
ಆಯ್ಕೆಯು ಪರೀಕ್ಷೆ, ಸಂದರ್ಶನ, ಡಾಕ್ಯುಮೆಂಟ್‌ ಪರಿಶೀಲನೆ ಮೂಲಕ ಆಯ್ಕೆ ನಡೆಯಲಿದೆ. ಅರ್ಜಿ ಸಲ್ಲಿಸುವ ಅಭ್ಯರ್ಥಿಯ ವಯಸ್ಸು 35 ವರ್ಷ ಮೀರಿರಬಾರದು. ವೇತನ 9,300 ರಿಂದ 46 ಸಾವಿರದ ವರೆಗೆ ಇರಲಿದೆ.ಎಸ್‌ಸಿ/ ಎಸ್‌ಟಿ ಅಭ್ಯರ್ಥಿಗಳು 885 ರೂ. ಅರ್ಜಿ ಶುಲ್ಕ ಪಾವತಿಸಬೇಕು. ಪಿಡಬ್ಲ್ಯುಡಿ ಅಭ್ಯರ್ಥಿಗಳು ಅರ್ಜಿ ಶುಲ್ಕ ಪಾವತಿಸಬೇಕಾಗಿಲ್ಲ. ಇನ್ನು ಉಳಿದ ವರ್ಗದ ಅಭ್ಯರ್ಥಿಗಳು 1,180 ರೂ. ಪಾವತಿಸಬೇಕು. ಹೆಚ್ಚಿನ ಮಾಹಿತಿಗೆ ವೆಬ್‌ಸೈಟ್‌ https://www.nimhans.ac.in ಭೇಟಿ ನೀಡಿ.
