ಚೆನ್ನೈ : ಎಲೆಕ್ಟ್ರಿಕ್ ಸ್ಕೂಟರ್ ಸ್ಪೋಟಗೊಂಡು ತಂದೆ-ಮಗಳು ಸಜೀವ ದಹನವಾದ ಘಟನೆ ತಮಿಳುನಾಡಿನ ವೆಲ್ಲೂರಿನಲ್ಲಿ ನಡೆದಿದೆ. ಮುರಾಯಿ ವರ್ಮಾ(50) ಮತ್ತು ಪುತ್ರಿ ಪ್ರೀತಿ ಮೃತಪಟ್ಟಿದ್ದಾರೆ.
ಬುಧವಾರವಷ್ಟೇ ಖರೀದಿಸಿದ್ದ ಸ್ಕೂಟರ್ ಅನ್ನು ಚಾರ್ಜಿಗೆ ಹಾಕಲಾಗಿತ್ತು. ಸ್ವಲ್ಪ ಸಮಯ ಬಿಟ್ಟು ಇಬ್ಬರೂ ಸ್ಕೂಟರ್ ಬಳಿ ಬಂದಿದ್ದಾರೆ. ಆಗ ಏಕಾಏಕಿ ಸ್ಕೂಟರ್ ಸ್ಪೋಟಗೊಂಡಿದೆ. ಬೆಂಕಿಯ ಜ್ವಾಲೆಗೆ ಪಕ್ಕದಲ್ಲಿದ್ದ ಇನ್ನೂ ಎರಡು ಸ್ಕೂಟರ್ಗಳಿಗೂ ಹಾನಿಯಾಗಿದೆ. ಮುರಾಯಿ ವರ್ಮಾ ಅವರ ಮನೆ ಬೆಂಕಿ ತಗುಲಿದ್ದು, ಅಪ್ಪ ಮಗಳಿಬ್ಬರೂ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಅಗ್ನಿಶಾಮಕ ದಳದವರು ಬೆಂಕಿ ನಂದಿಸಿದ್ದಾರೆ. ಬ್ಯಾಟರಿ ಓವರ್ ಚಾರ್ಜ್ ಆದ ಹಿನ್ನೆಲೆಯಲ್ಲಿ ಸ್ಪೋಟಗೊಂಡಿದೆ ಎಂದು ಹೇಳಲಾಗುತ್ತಿದೆ.
