ದಾವಣಗೆರೆ: ಜಿಲ್ಲೆಯಲ್ಲಿ ಎರಡನೇ ಡೋಸ್ ಲಸಿಕೆ ಅಭಿಯಾನ ಇಂದಿನಿಂದ ಆರಂಭವಾಗಿದ್ದು, ಲಸಿಕೆ ಪಡೆಯಲು ಪಡೆಯಲು ಜಿಲ್ಲಾಸ್ಪತ್ರೆಯಲ್ಲಿ ಭಾರೀ ಸಂಖ್ಯೆಯಲ್ಲಿ ಸೇರಿದ ಜನ ಸೇರಿದ್ದರು.
ಜಿಲ್ಲೆಗೆ 9, 500 ಡೋಸ್ ಗಳ ಮಾತ್ರ ಬಂದಿದೆ. ಇದರಲ್ಲಿ ಎಲ್ಲಾ ತಾಲ್ಲೂಕುಗಳಿಗೆ ಪೂರೈಕೆ ಮಾಡಿ ದಾವಣಗೆರೆ ನಗರಕ್ಕೆ 2, 500 ಡೋಸ್ ನೀಡಲು ವ್ಯವಸ್ಥೆ ಕಲ್ಪಿಸಲಾಗಿದೆ. ಇಂದು 350 ಜನರಿಗೆ ಮಾತ್ರ ಅವಕಾಶ ಕಲ್ಪಿಸಿದ್ದು, ಮೊಬೈಲ್ ಗೆ ಸಂದೇಶ ಬಂದ 350 ಮಂದಿಗೆ ಮಾತ್ರ 2 ಡೋಸ್ ನೀಡಲಾಯಿತು.
ಇಂದು 2 ನೇ ಡೋಸ್ ಲಸಿಕೆ ನೀಡಲಾಗುವುದು ಎಂದು ನಿನ್ನೆಯೇ ಆರೋಗ್ಯ ಇಲಾಖೆ ಘೋಷಣೆ ಮಾಡಿದ್ದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಜಿಲ್ಲಾ ಆಸ್ಪತ್ರೆಯಲ್ಲಿ ಸೇರಿದ್ದರು. ಇದರಿಂದ ನೂಕುನುಗ್ಗಲು ಉಂಟಾಗಿತ್ತು. ಎರಡನೇ ಡೋಸ್ ಪಡೆಯುವವರ ಮಧ್ಯೆ ಮೊದಲ ಡೋಸ್ ಪಡೆಯುವವರು ಬಂದಿದ್ದರಿಂದ ಮತ್ತೆ ಗೊಂದಲ ಉಂಟಾಗಿತ್ತು.
