ದಾವಣಗೆರೆ ಮಹಾನಗರ ಪಾಲಿಕೆ ಉಪ ಚುನಾವಣೆಗೆ ಡೇಟ್ ಫಿಕ್ಸ್; 20, 22 ನೇ ವಾರ್ಡ್ ನಲ್ಲಿ ಮಾ.29 ಬೈ ಎಲೆಕ್ಷನ್ ..!  

ದಾವಣಗೆರೆ: ಕಾಂಗ್ರೆಸ್ ಪಕ್ಷದಿಂದ ಗೆದ್ದು ಬದಲಾದ ರಾಜಕಾಣದಲ್ಲಿ ರಾಜೀನಾಮೆ ಸಲ್ಲಿಸಿದ ದಾವಣಗೆರೆ ಮಹಾನಗರ ಪಾಲಿಕೆಯ 20, 22 ನೇ ವಾರ್ಡ್ ಗಳಿಗೆ ರಾಜ್ಯ  ಚುನಾವಣೆ ಆಯೋಗ ಮಾ. 29 ರಂದು ಚುನಾವಣೆ ಘೋಷಣೆ ಮಾಡಿದೆ. ಈ ಮೂಲಕ ಕಾಂಗ್ರೆಸ್ ಪಕ್ಷದಿಂದ ಆಯ್ಕೆಯಾಗಿದ್ದ 20 ನೇ ವಾರ್ಡ್ನ   ಯಶೋಧ ಉಮೇಶ್ ಹಾಗೂ 22 ನೇ ವಾರ್ಡ್ ನ ದೇವರಮನಿ ಶಿವಕುಮಾರ್ ಅವರ ರಾಜೀನಾಮೆಯಿಂದ ತೆರವಾಗಿದ್ದ ಸ್ಥಾನಗಳಿಗೆ ಚುನಾವಣೆ ನಡೆಯಲಿದೆ.

ಈ ಎರಡು ವಾರ್ಡ್ ಗಳಿಗೆ ಜಿಲ್ಲಾಧಿಕಾರಿ ಇಂದು (ಮಾ.10 ) ಅಧಿಸೂಚನೆ ಹೊರಡಿಸಲಿದ್ದಾರೆ.  ಮಾ.17 ರಂದು ನಾಮಪತ್ರ ಸಲ್ಲಿಕೆ ಕೊನೆಯ ದಿನವಾಗಿದೆ. ಮಾ. 18 ರಂದು ನಾಮಪತ್ರ ಪರಿಶೀಲನೆ ನಡೆಯಲಿದೆ.  ಮಾ. 20 ರಂದು ಹಿಂಪಡೆಯಲು ಕೊನೆಯ ದಿನವಾಗಿದೆ. ಮತದಾನ ಅವಶ್ಯವಿದ್ದರೆ ಮಾ. 29 ರಂದು ಚುನಾವಣೆ ನಡೆಯಲಿದೆ.  ಮರು ಮತದಾನ ಇದ್ದಲ್ಲಿ ಮಾ.30 ನಡೆಲಿದೆ. ಮಾ. 31 ರಂದು ಮತ ಎಣಿಕೆ ನಡೆಯಲಿದೆ.

ಮಾದರಿ ನೀತಿ ಸಂಹಿತೆ ತಕ್ಷಣದಿಂದಲೇ ಜಾರಿ ಇರುತ್ತದೆ. ಮಾ. 10 ರಿಂದಲೇ 31 ವರೆಗೆ ಪಾಲಿಕೆ ವ್ಯಾಪ್ತಿಯಲ್ಲಿ ಸದಾಚಾರ ಸಂಹಿತೆ ಜಾರಿಯಲ್ಲಿರುತ್ತದೆ ಎಂದು ಆಯೋಗ ಪ್ರಕರಣೆಯಲ್ಲಿ ತಿಳಿಸಿದೆ.