ಪಿಯುಸಿ ಫಲಿತಾಂಶ: ದಾವಣಗೆರೆ ಜಿಲ್ಲೆಗೆ 19ನೇ ಸ್ಥಾನ

ಡಿವಿಜಿ ಸುದ್ದಿ, ದಾವಣಗೆರೆ: ದ್ವಿತೀಯ ಪಿಯುಸಿ ಫಲಿತಾಂಶ ಇಂದು ಪ್ರಕಟವಾಗಿದ್ದು, ದಾವಣಗೆರೆ ಜಿಲ್ಲೆಗೆ ಈ ಬಾರಿ ಶೇ. 64.09 ರಷ್ಟು ಫಲಿತಾಂಶ ಬಂದಿದೆ. ಈ ಮೂಲಕ ದಾವಣಗೆರೆ ಜಿಲ್ಲೆ19 ನೇ ಸ್ಥಾನ ಪಡೆದಿದೆ .

ದಾವಣಗೆರೆಯಲ್ಲಿ ಕಳೆದ ಬಾರಿ 22 ನೇ ಸ್ಥಾನದಲ್ಲಿದ್ದ ದಾವಣಗೆರೆ, ಈ ಬಾರಿ 19 ನೇ ಸ್ಥಾನ ಪಡೆದಿದೆ. ಕಳೆದ ವರ್ಷ ಶೇ. 62.53ರಷ್ಟು ಫಲಿತಾಂಶ ಬಂದಿತ್ತು. ಈ ವರ್ಷ 16,219 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು.

ಜಿಲ್ಲೆಯ ವಿಷಯವಾರು ವಿವರ

ಕಲಾ ವಿಭಾಗ: 4,104 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು, 1,433 ವಿದ್ಯಾರ್ಥಿಗಳು ಪಾಸ್-  ಶೇ 34.92

ವಾಣಿಜ್ಯ ವಿಭಾಗ:  4,589 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು,  2,729 ಮಂದಿ ಉತ್ತೀರ್ಣ- ಶೇ 59.47

ವಿಜ್ಞಾನ ವಿಭಾಗ: 7,526 ವಿದ್ಯಾರ್ಥಿಗಳಲ್ಲಿ 6,233 ಮಂದಿ ಉತ್ತೀರ್ಣ- ಶೇ 82.82

ರಾಜ್ಯದಲ್ಲಿ ಉಡುಪಿ ಪ್ರಥಮ,  ದಕ್ಷಿಣ ಕನ್ನಡ ದ್ವಿತೀಯ ಹಾಗೂ  ಕೊಡಗು ತೃತೀಯ ಸ್ಥಾನ ಪಡೆದಿದೆ. ಒಟ್ಟಾರೆ  ರಾಜ್ಯದಲ್ಲಿ ಶೇ .61.80 ರಷ್ಟು ಫಲಿತಾಂಶ ಬಂದಿದೆ. ಚಿತ್ರದುರ್ಗ, ರಾಯಚೂರು ಮತ್ತು ವಿಜಯಪುರ ಕೊನೆಯ ಮೂರು ಸ್ಥಾನ ಪಡೆದಿವೆ.